La 76:9 - BAIBLO ALOO NGMAMI KLƆUKLƆU Ɔ

⁹ Mo Mawu ɔ, o gbla yayami peeli a tue, nɛ je nɛ ɔ mi ni nɛmɛ nɛ a ní ngɛ mɔbɔ ɔ, mɛɛ lɛɛ o fa a he.

La 76:9 ပူးပေါင်းရင်းမြစ်များ

Mateo 5:5

“A gbaa ni nɛmɛ nɛ a he jɔ, ejakaa nɔ́ nɛ Mawu wo he si ɔ, a nine maa su nɔ.

Zefania 2:3

Nyɛ nihi tsuo nɛ nyɛ ngɛ je ɔ mi, nɛ nyɛ baa nyɛ he si, nɛ nyɛ yeɔ Yawɛ mlaa amɛ a nɔ, nyɛ hla e se blɔ. Nyɛɛ pee nɔ́ nɛ da, nɛ nyɛɛ ba nyɛ he si; alini, ligbi ɔ nɛ Yawɛ mi mi ma fu wawɛɛ, nɛ e maa gbla nihi a tue ɔ, nyɛɛ lɛɛ a maa laa nyɛ nɔ.

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

1 Petro 3:4

Se mohu, bɔ nɛ nyɛ ngɛ ha ngɛ nyɛ tsui mi ɔ, lɔ ɔ maa tsɔɔ nyɛ he fɛu ɔ nitsɛnitsɛ. Nɔmlɔ nɛ he jɔ, nɛ e ngɛ kpoo ɔ, e he fɛu nɛ tsakee we ɔ ji nɔ́ nɛ he jua wa saminya ngɛ Mawu hɛ mi.

Yeremia 5:28

A plɔke, nɛ a pee tɔfutɔfu, nɛ a yi mi wa kaa nɔ́ ko. A ha we awusahi a blɔ fa mi níhi nɛ sa, nɛ dɛgutsɛmɛ hu a yi dami sane ha we mɛ.

La 149:4

Ejakaa Yawɛ naa e ma a he bua jɔmi. E haa nihi nɛ baa a he si yeɔ kunimi.

La 72:4

Matsɛ ɔ nɛ ye ohiatsɛmɛ a sane ha mɛ. E piɛ dɛgutsɛmɛ a he, se yiwutsotsɛmɛ lɛɛ e kɛ mɛ nɛ to ní.

La 25:9

Nihi nɛ baa a he si ɔ, Yawɛ tsɔɔ mɛ e blɔ ɔ, kɛ bɔ nɛ sa kaa a ba a je mi ha.

Mose IV, 12:4

Tlukaa a, Yawɛ de Mose, Miriam, kɛ Aaron ke, “Nyɛ ni etɛ ɔmɛ tsuo nyɛɛ ba kpe he bo tsu ɔ mi.” A ho,

Habakuk 2:20

Yawɛ ngɛ e we klɔuklɔu ɔ; nɔ tsuaa nɔ nɛ ngɛ je ɔ mi ɔ, e pee dii ngɛ e hɛ mi.