La 76:7 - BAIBLO ALOO NGMAMI KLƆUKLƆU Ɔ

⁷ Niinɛ, o he ngɛ gbeye! Ke o mi mi fu ɔ, mɛnɔ ma nyɛ o hɛ mi maa da?

La 76:7 ပူးပေါင်းရင်းမြစ်များ

Kronika I, 16:25

Yawɛ kle, nɛ e sa yi jemi wawɛɛ nitsɛ. E sa nɛ a wo e hɛ mi nyami pe mawu ɔmɛ tsuo.

Ezra 9:15

Yawɛ, Israel Mawu, moo lɛɛ dalɔ ji mo, se kɛ̃, o ha wa yi na wami kɛ ba si mwɔnɛ ɔ. Wa ngɛ jajee ngɛ o hɛ mi kaa wa yeɔ fɔ, nɛ e sɛ́ kulaa kaa waa ba o hɛ mi.”

La 130:3

Ke mo Mawu o ke o maa kane yayamihi ɔ, Yawɛ, mɛnɔ maa ye e he.

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

La 89:7

A buu mo ngɛ ni klɔuklɔuhi a kpe ɔ mi; mɛ tsuo pɛpɛɛpɛ a yeɔ mo gbeye.

La 90:11

Mɛnɔ lɛ le bɔ nɛ o mi mi fumi ɔ nya wa ha? Bɔ nɛ o he ngɛ gbeye ɔ, ja lɛ o mi mi fumi ɔ ngɛ.

Mose II, 15:1

Kɛkɛ nɛ Mose kɛ Israel bi ɔmɛ la la nɛ ɔ kɛ je Yawɛ yi: “Ma la kɛ je Yawɛ yi, ejakaa e ye kunimi nguaa. E tsɛ̃ okpɔngɔ kɛ e nɔ hilɔ ɔ kɛ wo wo ɔ mi.

Mose II, 15:4

“E tsɛ̃ Farao ɔ ta zugba lɛ ɔmɛ, kɛ e tabo ɔ tsuo ngɔ wo wo ɔ mi bum! Nɛ e tatsɛ ngua amɛ hu gbo tlɔ Wo Tsu ɔ mi.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

Kpojemi 14:7

Bɔfo ɔ de kɛ gbi nɛ wa ke, “Nyɛɛ ye Mawu gbeye, nɛ nyɛɛ wo e hɛ mi nyami! Ejakaa be ɔ su nɛ e maa kojo nihi tsuo nɛ ngɛ je ɔ mi. Nyɛ ja nɔ nɛ pee hiɔwe kɛ zugba, kɛ wo kɛ nyu hɛngmɛhi nɛ baa a!”

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”