La 76:10 - BAIBLO ALOO NGMAMI KLƆUKLƆU Ɔ

¹⁰ Edom bi nɛ a mi mi fu ɔ, niinɛ, a ma je o yi kɛ̃. Nɛ ni nɛmɛ nɛ maa piɛ ngɛ Harmat ɔ maa ye o nyami be ɔmɛ.

La 76:10 ပူးပေါင်းရင်းမြစ်များ

Mose I, 50:20

Nyɛɛ lɛɛ nyɛ so kaa nyɛ maa pee mi yayami, se Mawu tsake nyɛ yi mi tomi ɔ kɛ pee nɔ́ kpakpa; bɔ nɛ pee nɛ e kɛ he nihi babauu a yi wami, kaa bɔ nɛ e ba mi mwɔnɛ nɛ ɔ.

La 104:9

O to huzu ha nyu ɔ nɛ e ko be he, konɛ e ko kpale ba ha je ɔ nɔ hu.

La 12:6

Yawɛ siwo ɔmɛ ɔ, anɔkuale sɔuu. A ngɛ kaa sika hiɔ nɛ a tsu he si kpaago ngɛ flɔɔnɔɔ mi.

La 46:6

Je ma amɛ a mi mi fuɔ, nɛ a peeɔ hoo; se ke Mawu wo gbi ɔ, zugba a he jɔɔ.

La 65:7

Ke wo gli, nɛ oslɔke ɔmɛ pee hamahama a, mo lɛ o jɔɔ a he lɛ a peeɔ dii kulaa. Nimli adesahi nɛ ngɛ basabasa hu mo nɔuu lɛ o jɔɔ a he.

La 82:8

Mawu, ba nɛ o ba kojo je ɔ, ejakaa je ma amɛ tsuo o níhi ji mɛ.

Mose II, 18:11

Kpaako loko i ná le paa kaa Yawɛ kle pe mawu ɔmɛ kulaa; ejakaa e he ma a yi wami kɛ je Egipt bi ɔmɛ a dɛ mi, benɛ a ngɛ mɛ nisɛ ní pee ɔ.”

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

Mateo 24:22

Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

Yohane 19:22

Se Pilato he nɔ ke, “Nɔ nɛ i ngma a, i ngma.”

Romabi 9:17

Ejakaa ngmami ɔ deɔ ke Mawu de Egipt matsɛ ɔ ke, “I wo mo tsɛ, bɔ nɛ pee nɛ ma je ye he wami kpo ngɔ tsɔɔ mo, konɛ o wo ye biɛ ta ngɛ je ɔ mi tsuo.”

Kpojemi 11:18

Je ma amɛ a mi mi fu mo, se jehanɛ ɔ, be su nɛ mo hu o mi mi ma fu mɛ. Be su nɛ o maa kojo nihi tsuo nɛ gbo ɔ, nɛ o tsɔli nɛ ji gbali ɔmɛ, ni klɔuklɔu ɔmɛ, kɛ nimli wawihi kɛ nimli nguahi tsuo nɛ yee mo gbeye ɔ, be su nɛ o maa wo mɛ hiɔ. Nihi nɛ kpataa zugba a hɛ mi ɔ, be su nɛ o ma kpata mɛ hu a hɛ mi.”