La 74:2 - BAIBLO ALOO NGMAMI KLƆUKLƆU Ɔ

² Mo kai mo nitsɛ o ma nɛ o he kɛ je blema lokoo ɔ. Mo kai nihi nɛ o je kɛ je nyɔguɛ si himi mi, nɛ o pee mɛ mo nitsɛ o ma a. Mo kai Zion yo ɔ, he nɛ o hi sa a.

La 74:2 ပူးပေါင်းရင်းမြစ်များ

La 106:40

Enɛ ɔ he je ɔ, Yawɛ mi mi fu lɛ nitsɛ e ma a, nɛ e kua mɛ.

La 135:4

Yawɛ nitsɛ lɛ hla Yakob kɛ ha e he; e hla Israel kɛ pee e ma.

La 33:12

A gbaa ma nɛ a Mawu ji Yawɛ. A gbaa ma nɛ Yawɛ hla kaa lɛ nitsɛ e ma a.

La 68:16

Yo nɛ Mawu hla ha e he ɔ, mɛni he je nyɛ yo gojogojoohi nyɛ hɛ ngɛ e nɔ kɔ̃e? Ee, lejɛ ɔ Yawɛ maa hi kɛ maa ya neneene!

La 77:15

O ngɔ o he wami ɔ kɛ he o ma a yi wami; ee, o he Yakob kɛ Yosef a bimɛ ɔmɛ a yi wami.

La 9:11

Nyɛ la kɛ je Yawɛ yi; Yawɛ nɛ ngɛ Zion ɔ, nyɛ je e yi. Nyɛɛ sɛɛ níhi nɛ e pee ɔ kɛ ha je ma amɛ tsuo.

La 9:12

Mawu kaiɔ nɔ́ nali, nɛ e yeɔ a he lue. Ke nɔ́ nali fa kue ha Mawu ɔ, e nuɔ; e hɛ ji a nɔ.

La 94:14

Yawɛ be e ma a he ngmɛɛe kɔkɔɔkɔ; nihi nɛ e je blɔ hla mɛ ɔ, e be mɛ kuae.

Mose II, 15:13

O kɛ o suɔmi nɛ tsakee we ɔ kpaka ma nɛ o kpɔ ɔ; nɛ o kɛ o he wami tsɔɔ mɛ blɔ kɛ ba o zugba klɔuklɔu ɔ nɔ.

Mose II, 15:16

Gbeye kɛ fɔ̃ nu mɛ; Yawɛ, o he wami ɔ ha a nya jɔ kɛ ya si be nɛ mo Yawɛ, o ma a nɛ mo nitsɛ o he ɔ ba be kɛ ho.

Yesaya 51:11

Nihi nɛ mo Yawɛ, o kpɔ mɛ ɔ, a kɛ bua jɔmi ma la kɛ ba Yerusalem. A bua maa jɔ kɛ maa ya neneene; aywilɛho kɛ kɔmɔ yemi tsuo se maa po.

Yesaya 62:12

A ma tsɛ nyɛ ke, “Ma klɔuklɔu”, “Ma nɛ Yawɛ kpɔ mɛ.” A ma tsɛ Yerusalem ke, “Ma nɛ a ya hla nɛ a na”, “Ma nɛ Mawu kua we lɛ.”

Yesaya 62:6

Yerusalem, i ngɔ buli ngɔ to o gbogbo ɔmɛ a nɔ. Nyɔ kɛ pia tsuo, a ko pee dii; se mohu a hi Yawɛ kaie ngɛ si ko nɛ e wo e ma a he, konɛ e hɛ ko je nɔ.

Yesaya 63:17

Yawɛ, mɛni he je o haa nɛ wa tlaa blɔ kɛ jeɔ o blɔ ɔmɛ a nɔ, nɛ wa kpliiɔ wa tsui, konɛ wa ko ye mo gbeye ɔ? Israel ma a, o nɔ, nɛ o tsɔli ji wɔ tsuo. Mo nitsɛ o nihi ji wɔ; lɔ ɔ he ɔ, kpale kɛ ba!

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Yeremia 10:16

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Yeremia 51:19

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Mose V, 32:9

Se Yakob nina lɛɛ, Yawɛ hla lɛ kaa lɛ nitsɛ e ma.

Mose V, 4:20

Se nyɛɛ lɛɛ, Yawɛ kpɔ̃ nyɛ kɛ je Egipt yi mi wami wawɛɛ ɔ sisi. E je nyɛ konɛ e pee nyɛ lɛ nitsɛ e ma kulaa, kaa bɔ nɛ nyɛ ji mwɔnɛ nɛ ɔ.

Mose V, 9:26

I kpa pɛɛ ke, ‘Nyɔmtsɛ Yawɛ, mo ko kpata mo nitsɛ o ma a hɛ mi; ma nɛ ɔ, mo nitsɛ lɛ o kpɔ̃ mɛ, nɛ o je mɛ kɛ je Egipt kɛ o kɔni si wami.

Mose V, 9:29

O le kaa ma nɛ mo nitsɛ o hla ha o he, nɛ o kɛ kɔni si wami kpetekpleenyɛ je kɛ je Egipt ji nɛ ɔ nɛ.’

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.