La 73:18 - BAIBLO ALOO NGMAMI KLƆUKLƆU Ɔ

¹⁸ Ee, o maa ngɔ mɛ kɛ to hehi nɛ saneɔ; o maa tsɛ̃ mɛ kɛ fia si nɛ a hɛ mi ma kpata.

La 73:18 ပူးပေါင်းရင်းမြစ်များ

La 35:6

Ha nɛ a blɔ ɔ nɔ nɛ wo diblii, nɛ e sane. Ha nɛ Yawɛ bɔfo ɔ nɛ nyɛɛ a se.

Yeremia 23:12

Blɔhi nɛ a ngɛ nɔ nyɛɛe ɔ, blɔ ɔmɛ a nɔ maa sla, nɛ a maa wo diblii; ma ha nɛ a ma tɛ nɔ, nɛ a maa nɔɔ si. I kɛ haomi maa ba a nɔ; a tue gblami be ɔ su ta. Imi, Yawɛ lɛ i de.

Mose V, 32:35

Yawɛ maa ye lue kokooko. E maa gbla he nyɛli ɔmɛ a tue. A maa sane nɔ si amlɔ nɔuu. E be kɛe kulaa nɛ e ma kpata a hɛ mi. A nyagbe ma tlukaa.

La 94:23

Yawɛ ma ha nɛ a ní yayami ɔmɛ ma bu mɛ nitsɛmɛ a nɔ. E ma kpata a hɛ mi ngɛ a yayami ɔmɛ a he; Yawɛ, wa Mawu ɔ ma kpata a hɛ mi pɛsɛpɛsɛ.

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

2 Tesalonikabi 1:9

A maa gbla a tue, nɛ a hɛ mi ma kpata pɛsɛpɛsɛ kɛ maa ya neneene. A ma je mɛ kɛ je Nyɔmtsɛ ɔ hɛ mi. A be Nyɔmtsɛ ɔ hɛ mi nyami ɔ, kɛ e he wami ɔ nae

La 92:7

Yiwutsotsɛmɛ maa bɔ flɔflɔɔflɔ kaa nga; yayami peeli ma plɔke, nɛ a ma na a he, se nyagbe ɔ, a hɛ mi ma kpata kɛ̃.

La 37:20

Se yayami peeli lɛɛ a hɛ mi ma kpata. Yawɛ he nyɛli ɔmɛ maa pee kaa nga nɔ mɔmɔ. A maa ta si kake too kaa bɔ nɛ la su ku se poo ɔ.

La 37:24

Ke o nɔ si tete po, o be zugba tlɔe; ejakaa Yawɛ ma wo o nɔ ekohu.

La 92:8

Se mo Yawɛ, moo lɛɛ o maa ye tsɛ daa.