La 73:16 - BAIBLO ALOO NGMAMI KLƆUKLƆU Ɔ

¹⁶ I hla bɔ nɛ ma pee nɛ ma kɛ nu nɔ́ nɛ ɔ sisi, se ye juɛmi sui he.

La 73:16 ပူးပေါင်းရင်းမြစ်များ

Fiɛlɔ 8:17

Se ní tsumi nɛ Mawu ngɛ tsue ngɛ je nɛ ɔ mi ɔ lɛɛ nɔmlɔ be nya nae gblegbleegble. Ke o gbo dengme hluu po, o be nya nae. Ní leli nɛ e peeɔ mɛ kaa mɛɛ a le ɔ, mɛ po a nɛ nya.

Romabi 11:33

Niatsɛ mi niatsɛ ji Mawu! Hyɛ bɔ nɛ e nile, kɛ juɛmi hiɛ ha! Mɛnɔ le bɔ nɛ e toɔ e yi mi ha? Blɔ nɔ nɛ e guu kɛ tsuɔ ní ɔ, mɛnɔ le?

La 97:2

Bɔku kɛ diblii kpii bɔle lɛ kɛ kpe. Matsɛ ji lɛ; anɔkuale, kɛ dami sane e yeɔ.

La 77:19

O nyɛɛ kɛ gu wo ɔ mi; o po wo nɛ mi kuɔ ɔ kɛ be, se o nane mami he ɔmɛ lɛɛ nɔ ko nɔ ko li.

La 39:6

Ee, nɔmlɔ adesa ngɛ kaa nini; yaka dengme kɛkɛ lɛ e ngɛ gboe. E buaa níhi a nya, se e li nɔ nɛ ma ba ye.

La 36:6

O kpakpa peemi ɔ kle kaa yo nguangua amɛ; o dami sane yemi mi kuɔ kaa wo. Yawɛ, mo lɛ o baa nimli, kɛ lohwehi tsuo a yi.

Fiɛlɔ 1:17

I bɔ mɔde kaa ma hla slɔɔto nɛ ngɛ nile kɛ godo, aloo nile kɛ kuasia jemi a kpɛti. Se i na kaa nɔ́ nɛ ɔ hu ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.