La 73:12 - BAIBLO ALOO NGMAMI KLƆUKLƆU Ɔ

¹² Hyɛ, bɔ nɛ yayami peeli ngɛ ji nɛ ɔ nɛ. Mɛɛ lɛɛ daa nɛ ɔ, a ngɛ he jɔmi mi, nɛ a ngɛ ní nae kɛ ngɛ he bɔe.

La 73:12 ပူးပေါင်းရင်းမြစ်များ

La 52:7

“Hyɛ, nyumu nɛ ɔ ngɔɛ e hɛ kɛ fɔɛ Mawu nɔ kaa e he bulɔ, mohu ɔ, ní babauu nɛ e na a nɔ e ngɔ e hɛ kɛ fɔ, nɛ yi wu tso níhi nɛ e pee ɔ nɛ wo lɛ he wami.”

Luka 16:19

“Nyumu niatsɛ ko hi si. E woɔ kploba tade nɛ ngɛ fɛu, nɛ he jua wa; nɛ daa nɛ ɔ, e yeɔ ní kpakpa, nɛ e naa bua jɔmi.

Yeremia 5:28

A plɔke, nɛ a pee tɔfutɔfu, nɛ a yi mi wa kaa nɔ́ ko. A ha we awusahi a blɔ fa mi níhi nɛ sa, nɛ dɛgutsɛmɛ hu a yi dami sane ha we mɛ.

Yeremia 5:17

A maa ye nyɛ ngmɔ niba ní ɔmɛ, kɛ nyɛ niye ní ɔmɛ tsuatsuaatsua; a maa gbe nyɛ binyumu ɔmɛ, kɛ nyɛ biyi ɔmɛ. A ma tsɔtslɔɔ nyɛ to ɔmɛ, kɛ nyɛ na amɛ, nɛ a ma kpata nyɛ wai, kɛ nyɛ ngmɔkɔ ɔmɛ a hɛ mi. Nyɛ mahi nɛ a fia gbogbo ngɔ wo a he, nɛ nyɛ ngɔ nyɛ hɛ kɛ fɔ a nɔ ɔ, he nyɛli ɔmɛ a tabo ɔmɛ ma kpata jamɛ a ma amɛ a hɛ mi.

La 62:10

Nyɛ ko ngɔ nyɛ hɛ kɛ fɔ amimi yemi nɔ; nyɛ ko hyɛ blɔ kaa nyɛ ma na nɔ́ kpakpa ko kɛ je ojo fiami mi. Ke nyɛ ba na ní babauu po, nyɛ ko ngɔ nyɛ hɛ kɛ fɔ nɔ.

La 49:6

He nyɛli ɔmɛ ɔ, pi ní nɛ a na a nɔ nɛ a ngɔɔ a hɛ kɛ fɔɔ? Pi ní babauu nɛ a na a nɔ nɛ a fĩaa kɛ fɔɔ lo?

La 37:35

Yiwutsotsɛ kpanaku ko hi si; i le lɛ. E nɔ kuɔ kaa Lebanon seda tso.

La 17:14

Jé mi kɛ je nihi nɛ ná je nɛ ɔ mi níhi tsuo nɛ a ngɛ hlae ɔ a dɛ mi. Ngɔɔ haomihi nɛ o ngɔ to ha mɛ ɔ kɛ gbla a tue. Ha nɛ a bimɛ ba na haomi ɔ bɔ nɛ sa, nɛ eko nɛ piɛ ha a bibimɛ.