La 73:1 - BAIBLO ALOO NGMAMI KLƆUKLƆU Ɔ

¹ Niinɛ, Mawu hi ha Israel; e hi ha ni nɛmɛ nɛ a tsui mi tsɔ.

La 73:1 ပူးပေါင်းရင်းမြစ်များ

Mateo 5:8

“A gbaa ni nɛmɛ nɛ a tsui mi tsɔ, ejakaa a maa na Mawu.

La 51:10

Mawu, bɔɔ tsui nɛ he tsɔ ha mi; ngɔɔ mumi nɛ yeɔ mo anɔkuale kɛ wo ye mi.

Luka 12:32

“Kuu nyafii, nyɛ ko ye gbeye; ejakaa nyɛ Tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Tito 3:5

e he wa yi wami. Pi nɔ́ nɛ da nɛ wa pee he nɛ e he wa yi wami ngɛ; mɔbɔ kɛkɛ lɛ e na wɔ kɛ gu Mumi Klɔuklɔu ɔ nɔ. Mumi Klɔuklɔu ɔ du wa he, nɛ wa pee kaa nihi nɛ a fɔ mɛ ehe, nɛ́ a na wami he.

Romabi 4:16

Lɔ ɔ he ɔ, Abraham hemi kɛ yemi nɔ Mawu da kɛ wo si ɔ. Mawu pee enɛ ɔ, konɛ siwo ɔ nɛ ba pee dloomi nɔ́ ko nɛ a fi kɛ fɔ nɔ kpɛii kɛ ha Abraham nina tsuo. Pi kɛ ha nihi nɛ yeɔ mlaa a nɔ kɛkɛ, se mohu kɛ ha ni nɛmɛ nɛ mɛ hu a hɛɛ hemi kɛ yemi ɔ mi kpɛii kaa bɔ nɛ Abraham he ye ɔ, ejakaa Abraham ji wɔ tsuo wa tsɛ.

La 50:1

Yawɛ Mawu Ope ɔ ngɛ munyu tue. E ngɛ je ɔ tsuo tsɛe; e ke a je beleku je, kɛ bonyoku je kɛ ba.

Kronika II, 29:30

Matsɛ ɔ, kɛ ganɔ ɔmɛ fa Levi bi ɔmɛ ke, yi jemi lahi nɛ David, kɛ gbalɔ Asaf po ɔ, a la jamɛ a la amɛ kɛ je Yawɛ yi. Lɔ ɔ he ɔ, be mi nɛ a kpla si nɛ a ngɛ Mawu jae ɔ, nɔ tsuaa nɔ la kɛ bua jɔmi.

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

La 83:1

Mawu, ko ma o nya; koo pee dii, koo pee kɔ̃!

La 73:18

Ee, o maa ngɔ mɛ kɛ to hehi nɛ saneɔ; o maa tsɛ̃ mɛ kɛ fia si nɛ a hɛ mi ma kpata.

La 42:11

Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ kɛ ye Mawu.

La 24:4

Nɔ nɛ pee we yayami, nɛ e tsui mi tsɔ. Nɔ nɛ ja we yakayaka níhi, nɛ e ka we kita kɛ sisi nɔ.

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

Kronika I, 16:37

David ngɔ Asaf kɛ e nyɛmimɛ Levi bi ɔmɛ ngɔ to jami ní tsumi ɔ nya ngɛ he nɛ a ngɔ somi daka a ya ma a. Daa ligbi ɔ, ní tsumi tsuaa ní tsumi nɛ hia kaa a tsu ngɛ lejɛ ɔ, a tsuɔ.

Kronika I, 16:7

Jamɛ a ligbi ɔ ji kekleekle be nɛ David ngɔ he blɔ nɛ ɔ ngɔ ha Asaf, kɛ e nyɛmimɛ Levi bi ɔmɛ kaa a la nɛ a kɛ je Yawɛ yi.

Kronika I, 15:17

Nihi nɛ a hla kɛ je lali a weku ɔmɛ a mi nɛ a fia akɔblee ngmlɛhi ji Heman, Yoel bi ɔ e nyɛmi Asaf, Berekia bi ɔ, kɛ Etan, Kushaya bi ɔ nɛ je Merari weku ɔ mi ɔ. A he piɛli nɛ a hla nɛ a fia kpa saku nɛ gbi ya hiɔwe ɔ ji Levi bi nɛ ɔmɛ: Zakaria, Yaaziel, Shemiramot, Yehiel, Uni, Eliab, Maaseya, kɛ Benaya. Jehanɛ, a hla Levi bi nɛ ɔmɛ hulɔ nɛ mɛɛ a fia kpa saku nɛ gbi ba si ɔ: Matitia, Elifelehu, Mikneya, kɛ Azazia. A hla Yawɛ we buli enyɔ hu kɛ piɛ a he; a tsɛɛ nɔ kake ke Obed Edom, nɛ a tsɛɛ nɔ kake hu ke Yeyel.

Kronika I, 6:39

Lali a kuu enyɔne ɔ, a nya dalɔ ji Asaf. Asaf je Gershon weku ɔ mi, nɛ e tsɛ ji Berekia. Bɔ nɛ Asaf weku kpa a nyɛɛ senyasenya kɛ ya si Levi nɔ ji nɛ ɔ nɛ: Asaf, Berekia, Shimea,