La 72:18 - BAIBLO ALOO NGMAMI KLƆUKLƆU Ɔ

¹⁸ A je Yawɛ, Israel Mawu ɔ yi; lɛ nɔ kake too lɛ e peeɔ nyakpɛ níhi!

La 72:18 ပူးပေါင်းရင်းမြစ်များ

La 41:13

A je Yawɛ, Israel Mawu ɔ yi! A je e yi mwɔnɛ nɛ ɔ; a je e yi daa. Amen!

La 106:48

Nyɛ je Yawɛ, Israel Mawu ɔ yi; nyɛ je e yi kɛ je neneene kɛ ya neneene. Nyɛ ha nɛ ma a tsuo nɛ de ke, “Amen!” Nyɛ je Yawɛ yi.

Kronika I, 29:10

Kɛkɛ nɛ Matsɛ David je Yawɛ yi ngɛ ma kpekpemi ɔ hɛ mi, nɛ e de ke, “Yawɛ, wa nɛ̃ Yakob Mawu, a je o yi kɛ ya neneene!

La 86:10

Ejakaa o kle, nɛ o tsuɔ nyakpɛ níhi. Mo nɔ kake too ji Mawu.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

La 136:4

Lɛ nɔ kake too lɛ e peeɔ nyakpɛ ní; ejakaa e suɔmi ɔ ngɛ kɛ yaa neneene!

La 77:14

Mawu nɛ tsuɔ nyakpɛ ní ji mo; o je o he wami kpo ngɔ tsɔɔ je ɔ tsuo.

La 68:35

Mawu, Israel Mawu ɔ he ngɛ gbeye ngɛ e hi he klɔuklɔu ɔ. E haa e ma a he wami, kɛ nyɛmi. A je Mawu yi.

Kronika I, 29:20

Jehanɛ, David de ma kpekpemi ɔ ke, “Nyɛ je Yawɛ, nyɛ Mawu ɔ yi!” Kɛkɛ nɛ ma kpekpemi ɔ tsuo je Yawɛ a nɛmɛ a Mawu ɔ yi. A kpla si nɛ a ja Yawɛ, nɛ a wo matsɛ ɔ hu hɛ mi nyami.

Hiob 5:9

Lɛ ji nɔ nɛ peeɔ ní nguanguahi nɛ wa juɛmi sui he, kɛ nyakpɛ ní hu babauu.

Hiob 9:10

E peeɔ ní nguahi nɛ nimli adesahi a juɛmi sui he. E nyakpɛ ní ɔmɛ hiɛ babauu nɛ a li nya.

La 77:15

O ngɔ o he wami ɔ kɛ he o ma a yi wami; ee, o he Yakob kɛ Yosef a bimɛ ɔmɛ a yi wami.

La 98:1

Nyɛ la la he ha Yawɛ, ejakaa e pee nyakpɛ níhi. E ngɔ lɛ nitsɛ e he wami kpetekpleenyɛ nɛ ngɛ klɔuklɔu ɔ kɛ ye kunimi ha e he.