La 72:17 - BAIBLO ALOO NGMAMI KLƆUKLƆU Ɔ

¹⁷ Matsɛ ɔ biɛ nɛ hi si kɛ ya neneene. E biɛ nɛ pɛ be abɔ nɛ pu ngɛ nɛ ɔ. Mawu nɛ gbaa je ma amɛ tsuo, nɛ a ha matsɛ ɔ bua jɔmi.

La 72:17 ပူးပေါင်းရင်းမြစ်များ

Mose I, 12:3

Nihi nɛ gbaa mo ɔ, ma gbaa mɛ. Se ni nɛmɛ nɛ gbiɛɛ mo ɔ, imi hu ma gbiɛ mɛ. O nɔ ma gu kɛ gbaa je ma amɛ tsuo.”

Mose I, 22:18

Je ma amɛ tsuo ma bi ke ma gbaa mɛ kaa bɔ nɛ i gbaa o nina a, ejakaa o bu mi tue.”

Samuel II, 7:13

Lɛ ji nɔ nɛ ma ba po we kɛ wo ye biɛ ɔ hɛ mi nyami; nɛ ma ha e matsɛ yemi ɔ maa hi si kɛ maa ya neneene.

Samuel II, 7:16

O nina maa hiɛ, nɛ ma ha o matsɛ yemi ɔ maa hi si kɛ maa ya neneene; o matsɛ yemi ɔ se be poe gblegbleegble.’ ”

Kronika I, 17:12

Lɛ ji nɔ nɛ ma ba po we ha mi, nɛ ma ha e matsɛ yemi ɔ maa hi si kɛ maa ya neneene.

La 21:7

Matsɛ ɔ ngɔ e hɛ kɛ fɔ mo Yawɛ, Hiɔwe No ɔ, o nɔ. Enɛ ɔ he je ɔ, nɔ́ ko nɔ́ ko be lɛ pee; ejakaa o suɔmi ɔ ngɛ daa.

La 45:17

Ma ha nɛ a ma kai mo yi nɔhi tsuo, nɛ ma amɛ tsuo ma je o yi daa kɛ maa ya neneene.

La 89:36

E nina maa hi si kɛ maa ya neneene. Ma bu e matsɛ yemi ɔ he be abɔ nɛ pu ngɛ hiɔwe ɔ.

Mose II, 3:15

Mawu de Mose ekohu ke, “Mo de Israel bi ɔmɛ ke, Yawɛ, nyɛ nɛmɛ Abraham, Isak, kɛ Yakob a Mawu ɔ, lɛ nɛ e tsɔ mi nyɛ ngɔ. Biɛ nɛ ɔ ji ye biɛ kɛ yaa neneene, nɛ yi nɔhi nɛ maa ba a, mɛ hu a ma tsɛ mi jã.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Mateo 1:21

E ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wami kɛ je a he yayami ɔmɛ a mi.”

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Luka 1:48

ejakaa e kai imi, e mawayo humi ɔ! Kɛ je mwɔnɛ ɔ kɛ yaa a, nihi tsuo ma tsɛ mi yo nɛ a gbaa lɛ,

Ni Tsumi 3:16

E he wami nya nɛ a tsa glɔtsɛ nɛ ɔ nɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ná le nɛ ɔ, a nyɛ́ pee akɛnɛ a heɔ lɛ yeɔ. E he Yesu ye, lɔ ɔ he nɛ e na he wami kaa bɔ nɛ nyɛ tsuo nyɛ ngɛ hyɛe ɔ nɛ.

Galatabi 3:14

Kristo pee enɛ ɔ, bɔ nɛ pee nɛ gbaami nɛ Mawu wo Abraham si ngɛ he ɔ, kɛ gu Kristo nɔ ɔ, ma je li ɔmɛ a nine nɛ su nɔ. Kɛkɛ ɔ, kɛ gu hemi kɛ yemi nɔ ɔ, Mumi ɔ nɛ Mawu wo he si ɔ, wa nine maa su nɔ.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Efesobi 3:14

Enɛ ɔ he i kplaa si ngɛ Tsɛ ɔ hɛ mi.

Filipibi 2:10

Kɛkɛ ɔ, he tsuaa he nɛ a maa wo e biɛ ta ngɛ ɔ, nihi nɛ ngɛ hiɔwe, kɛ ni nɛmɛ nɛ ngɛ zugba a nɔ, kɛ ni nɛmɛ nɛ ngɛ zugba a sisi ɔ, mɛ tsuo a ma kpla si ha Yesu,

Kolosebi 1:3

Ke wa ngɛ sɔlee ha nyɛ ɔ, wa naa Mawu, wa Nyɔmtsɛ Yesu Kristo Tsɛ ɔ si daa.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”