La 72:12 - BAIBLO ALOO NGMAMI KLƆUKLƆU Ɔ

¹² Ke ohiatsɛ, loo nɔ nɛ e fi lɛ, loo nɔ nɛ be nɔ ko tsɛ lɛ ɔ, e buɔ lɛ tue.

La 72:12 ပူးပေါင်းရင်းမြစ်များ

Samuel II, 14:16

I le sa kaa nɛnɛ maa bu nɔ́ nɛ i ngɛ dee ɔ tue, nɛ nɔmlɔ nɛ ngɛ hlae kaa e kpata i kɛ ye bi tsuo wa hɛ mi, konɛ Mawu weto ní nɛ e laa wɔ ɔ, e ma kpɔ mi kɛ je e dɛ mi.

Hiob 29:12

Ejakaa ke ohiatsɛmɛ kpa ngmlaa kɛ tsɛ balɔ ɔ, i jeɔ mɛ; awusahi hu i piɛɔ a he ja nɔuu.

Hiob 36:15

Mawu tsɔɔ nihi ní kɛ guu nɔ́ nami mi; e ngɔɔ amanehlu kɛ bliɔ nihi a hɛngmɛ.

La 10:17

Yawɛ, hiami níhi nɛ nɔ́ nali kɛ ba fɔ o hɛ mi ɔ, o le. Moo pee a hiami ní ɔmɛ ha mɛ, konɛ a ná he wami he.

La 102:17

E maa bu e nihi nɛ e kua mɛ ɔ a kue fami ɔ tue, nɛ e maa pee a hiami ní ɔmɛ ha mɛ.

La 102:20

konɛ e nu pamitsɛmɛ ɔmɛ a kɛmɛmi ɔ he, nɛ nihi nɛ a bu mɛ gbenɔ fɔ ɔ, e ha nɛ a ye a he.

La 55:17

Mɔtu, piani, kɛ nyɔ mi tsuo i ngɛ kɔmɔ yee, nɛ i ngɛ kɛmɛe; e maa bu mi tue kɛ̃.

La 72:4

Matsɛ ɔ nɛ ye ohiatsɛmɛ a sane ha mɛ. E piɛ dɛgutsɛmɛ a he, se yiwutsotsɛmɛ lɛɛ e kɛ mɛ nɛ to ní.

Abɛ Womi 29:7

Nɔ nɛ peeɔ nɔ́ nɛ da a, e le ohiatsɛmɛ a hiami níhi, se yiwutsotsɛ lɛɛ e juɛmi sui ní nɛ ɔmɛ a he kulaa.

Fiɛlɔ 4:1

Jehanɛ se hu, i na kaa yi mi sɔuu lɛ a ngɛ wae ngɛ je ɔ mi. Nɔ́ nali ngɛ ya foe, nɛ nɔ ko be nɛ maa jɔɔ a bua. Bua wolɔ ko be mɛ, ejakaa nihi nɛ ngɛ mɛ yi mi wae ɔ, he wami ngɛ a dɛ.

Yesaya 41:17

“Ke ye ma a ní pee mɔbɔ, nɛ a nɛ nyu nɛ a nu, a kuɔ si tsuo gbli, nɛ kuma ngɛ mɛ yee ɔ, ke a fa kue kɛ tsɛ imi Yawɛ ɔ, ma bu mɛ tue. Imi Israel Mawu ɔ, i be mɛ kuae kɔkɔɔkɔ.

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,

Luka 7:22

Yesu ha Yohane tsɔli ɔmɛ heto ke, “Nyɛɛ kpale kɛ ho nɛ nyɛ ya de Yohane níhi nɛ nyɛ na, kɛ níhi nɛ nyɛ nu: hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nihi nɛ he womi nɔ hiɔ yaya ngɛ a he ɔ, a he tsɔ, tue kpokutsɛmɛ ngɛ nɔ́ nue, a ngɛ gbogboehi si tlee, nɛ a ngɛ sane kpakpa a fiɛe kɛ ngɛ ohiatsɛmɛ tsɔɔe.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Samuel I, 22:2

Ni kpa komɛ hu ba piɛ David he. Mɛ ji nihi nɛ a ngɛ mɛ yi mi wae, nihi nɛ hɛɛ hiɔ, kɛ ni nɛmɛ nɛ a pee mɛ nidɔ níhi, nɛ David pee a nyatsɛ. Nihi nɛ nyɛɛ e se ɔ a yibɔ maa pee lafa eywiɛ.