La 71:24 - BAIBLO ALOO NGMAMI KLƆUKLƆU Ɔ

²⁴ Ma ye odase daa ke o yeɔ dami sane. Ejakaa nihi nɛ hlaa kaa a maa gbe mi ɔ, zo gbe mɛ, nɛ ahlua hu bɔ mɛ.

La 71:24 ပူးပေါင်းရင်းမြစ်များ

La 71:13

Ha nɛ zo nɛ gbe ye he nyɛli ɔmɛ, nɛ a hɛ mi nɛ kpata pɛsɛpɛsɛ. Nihi nɛ a ngɛ hlae nɛ a pee mi yayami ɔ, ha nɛ zo nɛ gbe mɛ, nɛ ahlua hu nɛ bɔ mɛ.

1 Korintobi 15:25

Ejakaa ja Kristo ye matsɛ kɛ maa su be nɛ Mawu maa ngɔ e he nyɛli tsuo ngɔ wo e nane si.

La 92:11

Ye he nyɛli ɔmɛ a hɛ mi kpata, nɛ i na kɛ ye hɛngmɛ. I nu hulɔ kɛ ye tue kaa nihi nɛ te si wo mi ɔ nɔ si.

La 35:28

Ma jaje kaa Mawu nɛ yeɔ dami sane ji mo, nɛ ma je o yi daa.

Efesobi 4:29

Munyu nɛ maa je nyɛ ti nɔ ko nya a, e ko pee nɔ́ nɛ ma puɛ nɔ, se mohu nɔ́ nɛ hi, nɛ e he hia, nɛ nɔ́ kpakpa ko maa je mi kɛ wo nɔ he wami. Kɛkɛ ɔ, e maa pee dloomi kɛ ha nihi nɛ ngɛ nyɛ tue bue ɔ.

Mateo 12:35

Nɔmlɔ kpakpa jeɔ ní kpakpahi kɛ jeɔ e juetli kpakpahi a mi; nɔmlɔ yayami hu jeɔ ní yayahi kɛ jeɔ e juetli yayahi a mi.

La 71:15

Ligbi mluku ɔ tsuo ma wo o ta kaa o yeɔ dami sane; ma de daa ke yi wami helɔ ji mo. Pohu níhi nɛ o peeɔ ɔ hiɛ babauu pe bɔ nɛ ye juɛmi maa su he hulɔ.

La 71:8

Ma je o yi, nɛ ma wo o hɛ mi nyami ligbi ɔ tsuo.

La 37:30

Dalɔ nya mi munyu ɔ, nile sɔuu; daa nɛ ɔ, e suɔ kaa a ye dami sane.

Mose V, 11:19

Nyɛɛ tsɔɔ nyɛ bimɛ. Nyɛɛ sɛɛ he ní be nɛ nyɛ ngɛ we mi, be nɛ nyɛ hia blɔ, be nɛ nyɛ hwɔɔ si, kɛ be nɛ nyɛ te si.

La 70:3

Nihi hu nɛ yeɔ ye he fɛu nɛ a deɔ ke, “Yiɛ Yiɛ!” ɔ, ha nɛ zo nɛ gbe mɛ, nɛ a hɛ mi nɛ pee mɛ yaa.