La 71:22 - BAIBLO ALOO NGMAMI KLƆUKLƆU Ɔ

²² Mawu, imi hu ma fia kpa saku kɛ je o yi ngɛ anɔkuale nɛ o yeɔ daa a he. Ma la kɛ to saku ɔ he kɛ je o yi, kɛ je mo, Israel Nɔ Klɔuklɔu ɔ o yi.

La 71:22 ပူးပေါင်းရင်းမြစ်များ

Matsɛmɛ II, 19:22

Mɛnɔ he fɛu o ye ɔ? Mɛnɔ ahlua o bɔ ɔ? Mɛnɔ nɔ nɛ o wo nya nɔ ngɛ ɔ? Mɛnɔ o bui ɔ? Pi Israel Mawu klɔuklɔu ɔ lo?

La 138:2

I ngɔ ye hɛ mi kɛ bu si kɛ kpee sɔlemi we klɔuklɔu ɔ; nɛ i ngɛ mo si nae kaa o suɔmi ɔ ngɛ daa, nɛ o yeɔ anɔkuale jã kɛ̃. Jehanɛ hu o ha nɛ a na kaa o biɛ kle pe biɛ tsuaa biɛ, nɛ o munyu hu he jua wa pe nɔ́ tsuaa nɔ́.

La 144:9

Mawu, ma la la he ha mo, ma fia kpa saku nɛ hɛɛ kpa nyɔngma kɛ je o yi.

La 25:10

Nihi tsuo nɛ yeɔ Yawɛ somi ɔ, kɛ e mlaa amɛ a nɔ ɔ, Yawɛ naa mɛ mɔbɔ, nɛ e yeɔ mɛ anɔkuale.

La 33:2

Nyɛɛ fia saku kɛ je Yawɛ yi. Nyɛɛ fia kpa saku, nɛ nyɛ la kɛ je Yawɛ yi.

La 43:4

Kɛkɛ ɔ, ma ya su o bɔ sami la tɛ ɔ he, ngɛ mo Mawu, ye bua wolɔ nitsɛnitsɛ ɔ o ngɔ. Ma fia kpa saku kɛ je o yi, mo Mawu, ye Mawu.

La 56:4

I ngɔ ye hɛ kɛ fɔ Mawu nɔ, lɔ ɔ he ɔ, i yi gbeye. I ngɛ Mawu yi jee ngɛ si nɛ e wo mi ɔ he. Mɛni nɔmlɔ adesa ma nyɛ maa pee mi?

La 78:41

A ka Mawu nɔtonɔto; a wo Israel nɔ klɔuklɔu ɔ mi mi la.

La 89:1

Yawɛ, ma la daa kɛ tsɔɔ kaa o suɔmi ɔ be nyagbe. Ma sɛɛ ha yi nɔhi tsuo ke anɔkuale yelɔ ji mo.

La 89:18

Yawɛ, mo lɛ o hla wa he falɔ ɔ kɛ ha wɔ; mo, Israel Mawu klɔuklɔu ɔ, mo lɛ o ha wɔ wa matsɛ.

La 98:3

Si ko nɛ e wo Israel ma a, e ye nɔ; e ye mɛ anɔkuale, nɛ e na mɛ mɔbɔ babauu. Nihi ngɛ je ɔ mi he tsuaa he na kaa wa Mawu ɔ ye kunimi.

La 98:4

Je ɔ tsuo, nyɛ hwɔ lele kɛ ha Yawɛ. Nyɛ he ose, nɛ nyɛ la kɛ bua jɔmi kɛ je e yi.

La 98:5

Nyɛ la, nɛ nyɛɛ fia kpa saku kɛ to he nɛ nyɛ kɛ je Yawɛ yi.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Yesaya 43:3

Ejakaa imi Yawɛ, o Mawu ɔ, imi Israel Mawu Klɔuklɔu ɔ lɛ he o yi wami ɔ nɛ. Ma ngɔ Egipt ngɔ ha ngɛ o nane mi, konɛ o ye o he. Ma ngmɛɛ Sudan kɛ Seba hu a he.

Yesaya 5:16

Se Yawɛ Tabohiatsɛ ɔ lɛɛ nɔ́ nɛ da pɛ e peeɔ kɛ tsɔɔ e we agbo jemi; nɛ e gblaa e ma a tue kɛ tsɔɔ kaa Mawu klɔuklɔu ji lɛ.

Yesaya 5:19

Nyɛ deɔ ke, “Nɔ́ nɛ Yawɛ de ke e maa pee ɔ, ha nɛ e pee esɔ, konɛ waa na. Ha nɛ Israel Mawu klɔuklɔu ɔ nɛ tsu níhi nɛ e to e yi mi kaa e ma tsu ɔ; nyɛ ha nɛ waa hyɛ nɔ́ nɛ ngɛ e juɛmi mi.”

Yesaya 5:24

Lɔ ɔ he ɔ, Israel hɛ mi ma ba kpata pɛsɛpɛsɛ kaa bɔ nɛ la sãã hu kɛ nga gbigbli ɔ. Nɔ́ nɛ ɔ maa ba a nɔ, ejakaa a kua Yawɛ Tabohiatsɛ ɔ mlaa amɛ. A yi Israel Mawu klɔuklɔu ɔ mlaa amɛ a nɔ.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 60:9

Spania lɛhi nɛ a nyɛɛ hɛ mi kɛ je tsitsaa wo se zugbahi a nɔ kɛ ma a nɛ. A ngɔ bimɛ kɛ ma we. A hɛɛ sika tsu, kɛ sika hiɔ kɛ ma, konɛ a kɛ ba ha Israel Mawu klɔuklɔu ɔ, nɛ a kɛ wo Yawɛ hɛ mi nyami. Ejakaa e wó e ma a nɔ gojoo ngɛ je ma amɛ tsuo a hɛ mi.

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

Romabi 15:8

Ejakaa i ngɛ nyɛ dee ke Kristo ba sɔmɔ Yuda bi ɔmɛ nɛ e kɛ tsɔɔ mɛ kaa Mawu yeɔ anɔkuale, nɛ e kɛ ma si nɛ Mawu wo a nɛmɛ ɔmɛ ɔ nɔ mi.