La 71:21 - BAIBLO ALOO NGMAMI KLƆUKLƆU Ɔ

²¹ O maa wo ye hɛ mi nyami babauu, nɛ o ma ha ye bua maa jɔ ekohu.

La 71:21 ပူးပေါင်းရင်းမြစ်များ

Samuel II, 3:1

Ta nɛ Saul we ɔ, kɛ David we ɔ hwu ɔ, ta a se kɛ saminya. Be mi nɛ David he wami ngɛ nɔ puee ɔ, Saul we ɔ lɛɛ a he wami nɔ ngɛ gbɔe kulaa.

La 18:35

Yawɛ, o bu ye he, nɛ o he ye yi wami; o hyɛ ye nɔ saminya, nɛ i pee nɔmlɔ. O pɛtɛ ye he wawɛɛ, nɛ lɔ ɔ ha nɛ i ye ye he.

La 23:4

Ke i nyɛɛ diblii kpii mi po, i yi gbeye; ejakaa mo Yawɛ, o ngɛ ye kasa nya haa. O to tsɔ̃mi tso ɔ, kɛ o dɛma tso ɔ ji níhi nɛ woɔ mi he wami.

La 32:10

Yayami peeli maa na nɔ́ wawɛɛ. Se nihi nɛ ngɔɔ a hɛ kɛ fɔɔ Yawɛ nɔ ɔ, mɛɛ lɛɛ Yawɛ maa na mɛ mɔbɔ daa.

La 72:11

Matsɛmɛ ɔmɛ tsuo nɛ a ba kpla si ngɛ e hɛ mi, nɛ je ma amɛ tsuo nɛ a sɔmɔ lɛ!

La 86:17

Yawɛ, tsɔɔ mi o mɔbɔ nami ɔ he okadi ko, konɛ ye he nyɛli ɔmɛ nɛ a na, nɛ zo nɛ gbe mɛ kaa o piɛ ye he, nɛ o jɔɔ ye bua.

Yesaya 12:1

Jamɛ a ligbi ɔ, nyɛ ma la ke, “Yawɛ i ngɛ o yi jee! Be ko ɔ, o mi mi fu mi, se jehanɛ lɛɛ mo nitsɛ o ngɛ mi bua woe, ejakaa o mi mi fumi ɔ se po.

Yesaya 49:13

Nyɛ hiɔwe níhi, nyɛ la kɛ bua jɔmi! Zugba, hwɔ lele! Nyɛ yo ɔmɛ hu nyɛ la! Yawɛ maa jɔɔ e ma a bua; nihi nɛ ngɛ nɔ́ nae ɔ, e maa na mɛ mɔbɔ.

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

2 Korintobi 2:14

Se sina ha Mawu! Mawu haa Kristo yeɔ yayami he wami ɔ nɔ kunimi daa, nɛ kikɛmɛ a kunimi yemi nɛ ɔ peeɔ wɔ bɔfo ɔmɛ hu wa nɔ́. Mawu guu wa nɔ kɛ fiɛɔ sɛ gbi nɛ kɔɔ Kristo he ɔ kɛ yaa he tsuaa he kaa bɔ nɛ nɔ́ ko he via yaa tsitsaa a.

2 Korintobi 7:13

Enɛ ɔ lɛ ha nɛ wa nɔ gbagba te ɔ nɛ. Wa nɔ gbagba te niinɛ. Se bua jɔmi nɛ Tito na a ha nɛ wɔ nitsɛmɛ hu wa bua jɔ kɛ be nɔ. Ejakaa e bɔ wɔ bɔ nɛ nyɛ ha nɛ e tsui nɔ e mi ha.

2 Korintobi 7:6

Se benɛ Tito ba a, Mawu, nɔ nɛ woɔ nihi nɛ a nine mi jɔ̃ he wami ɔ ha nɛ wa nɔ gbagba te.

1 Tesalonikabi 3:9

Nyɛ he ɔ, Mawu haa wɔ bua jɔmi babauu nɛ wa be nyɛe maa na lɛ si saasaa.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”