La 71:19 - BAIBLO ALOO NGMAMI KLƆUKLƆU Ɔ

¹⁹ Mawu, bɔ nɛ o he wa, kɛ bɔ nɛ o yeɔ dami sane ɔ, nɔ ko nɔ ko be nyɛe maa kale. O tsu nyakpɛ níhi babauu. Mawu, mɛnɔ kɛ mo sɔ?

La 71:19 ပူးပေါင်းရင်းမြစ်များ

La 35:10

Ma de kɛ je ye tsui mi tɔɔ ke, “Yawɛ, mɛnɔ lɛ e kɛ mo sɔ? Mo lɛ o jeɔ nɔ nɛ he wɛ kɛ jeɔ nɔ nɛ he wa pe lɛ ɔ dɛ mi. Mo lɛ o jeɔ dɛgutsɛ kɛ jeɔ nɔ nɛ waa lɛ yi mi ɔ dɛ mi.”

La 57:10

Ejakaa o suɔmi nɛ ngɛ daa a kle kɛ su hiɔwe lokoo, nɛ o we anɔkuale yemi ya su bɔku mi tɔɔ.

Yesaya 55:9

Bɔ nɛ hiɔwe kɛ zugba a kpɛti kɛ ɔ, ja ye blɔ ɔmɛ, kɛ nyɛ blɔ ɔmɛ a kpɛti kɛ, nɛ ja nɔuu ye susumi ɔmɛ hu pã nyɛ susumi ɔmɛ.

Luka 1:49

ejakaa Mawu Ope ɔ pee ní nguanguahi ha mi. E biɛ ngɛ klɔuklɔu.

Yeremia 10:7

Mo, je ma amɛ tsuo a matsɛ ɔ, mɛnɔ lɛ be mo gbeye yee? O sa bu. Je ma amɛ tsuo a kpɛti ɔ, nɔ ko be nɛ kɛ mo sɔ, a ní leli ɔmɛ jio, a matsɛmɛ ɔmɛ jio.

Yesaya 40:25

Mɛnɔ he nyɛ maa ngɔ Mawu Klɔuklɔu ɔ kɛ to? Mɛnɔ kɛ lɛ sɔ?

Yesaya 40:18

Mɛnɔ he nyɛ maa ngɔ Mawu kɛ to mɔ? Nɛ mɛni subai nyɛɛ kɛ maa to e he?

La 86:8

Nyɔmtsɛ, mawu ko mawu ko be nɛ kɛ mo sɔ; níhi nɛ o pee ɔ hu, nɔ́ ko nɔ́ ko be nɛ a kɛ maa to a he.

La 72:18

A je Yawɛ, Israel Mawu ɔ yi; lɛ nɔ kake too lɛ e peeɔ nyakpɛ níhi!

Hiob 5:9

Lɛ ji nɔ nɛ peeɔ ní nguanguahi nɛ wa juɛmi sui he, kɛ nyakpɛ ní hu babauu.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Yesaya 5:16

Se Yawɛ Tabohiatsɛ ɔ lɛɛ nɔ́ nɛ da pɛ e peeɔ kɛ tsɔɔ e we agbo jemi; nɛ e gblaa e ma a tue kɛ tsɔɔ kaa Mawu klɔuklɔu ji lɛ.

Abɛ Womi 15:24

Blɔ nɛ ní lelɔ nyɛɛɔ nɔ ɔ, e kɛ lɛ yaa wami mi. Blɔ nɛ kɛ nɔ yaa gbeje ɔ, e nyɛɛ we nɔ.

La 139:6

Bɔ nɛ o le mi fitsofitso ɔ ngɛ nyakpɛ tsɔ. Nile nɛ ɔ mi kuɔ pe bɔ nɛ ma nyɛ ma nu sisi.

Abɛ Womi 24:7

Nile munyuhi a mi kuɔ tsɔ pe bɔ nɛ kuasia maa nu sisi. Ke a ngɛ níhi nɛ a he hia he susue ɔ, e nyɛ we nɛ e paa e nya mi.

Mose V, 3:24

‘Nyɔmtsɛ Yawɛ lee, i le kaa ní nguanguahi, kɛ nyakpɛ níhi nɛ o maa pee ɔ a sisije kɛkɛ ji nɛ ɔ nɛ; ejakaa mawu ko mawu ko be hiɔwe, loo zugba a nɔ nɛ ma nyɛ ní nguanguahi nɛ o tsu nɛ ɔ ma tsu!

La 36:7

Yawɛ, hyɛ bɔ nɛ o mɔbɔ nami ɔ he jua wa ha! Adesahi tsuo ba saa we ngɛ o pɛli ɔmɛ a sisi.