La 71:16 - BAIBLO ALOO NGMAMI KLƆUKLƆU Ɔ

¹⁶ He wami ní nguanguahi nɛ mo, Nyɔmtsɛ Yawɛ o tsu ɔ, ma gba kɛ tsɔɔ. Ma je o yi ke mo pɛ lɛ o peeɔ nɔ́ nɛ da.

La 71:16 ပူးပေါင်းရင်းမြစ်များ

La 106:2

Ní nguanguahi tsuo nɛ Yawɛ pee ɔ, mɛnɔ ma nyɛ ma de? Mɛnɔ ma nyɛ ma je e yi bɔ nɛ sa?

La 29:11

Yawɛ nɛ́ ha e ma a he wami. Yawɛ nɛ́ gbaa e ma a, nɛ́ e ha mɛ tue mi jɔmi.

La 51:14

Mawu, koo bu mi fɔ kaa muɔ si puelɔ, konɛ ma la kɛ bua jɔmi kɛ je o yi.

La 71:15

Ligbi mluku ɔ tsuo ma wo o ta kaa o yeɔ dami sane; ma de daa ke yi wami helɔ ji mo. Pohu níhi nɛ o peeɔ ɔ hiɛ babauu pe bɔ nɛ ye juɛmi maa su he hulɔ.

La 71:19

Mawu, bɔ nɛ o he wa, kɛ bɔ nɛ o yeɔ dami sane ɔ, nɔ ko nɔ ko be nyɛe maa kale. O tsu nyakpɛ níhi babauu. Mawu, mɛnɔ kɛ mo sɔ?

La 71:2

Akɛnɛ dalɔ ji mo he je ɔ, je mi kɛ je haomi mi; kpɔ mi kɛ je he nyɛli a dɛ mi. I kpa mo pɛɛ, bu mi tue, nɛ o he ye yi wami.

La 71:24

Ma ye odase daa ke o yeɔ dami sane. Ejakaa nihi nɛ hlaa kaa a maa gbe mi ɔ, zo gbe mɛ, nɛ ahlua hu bɔ mɛ.

Yesaya 26:13

Yawɛ, o se ɔ, nyɔmtsɛmɛ kpahi ba ye wa nɔ lɛɛ, se mo pɛ nɛ wa le.

Yesaya 40:31

Se ni nɛmɛ nɛ ngɔɔ a hɛ ngɔ fɔɔ Yawɛ nɔ ɔ, a naa he wami he kaa kɔle nɛ ngɛ tee; a tuɔ fo, nɛ pɔ tɔɛ mɛ, a nyɛɛɔ, nɛ a gbɔjɔɔ we.

Yesaya 63:7

Ma gba Yawɛ suɔmi nɛ ngɛ daa a he sane. Ní kpakpahi tsuo nɛ e ha wɔ ɔ he ɔ, ma je e yi. E gbaa Israel ma a babauu; ejakaa Yawɛ mɔbɔ nami, kɛ e suɔmi be nyagbe.

Zakaria 10:12

Ma ha ye ma a he wami he; nɛ a maa nyɛɛ ngɛ ye biɛ mi.” Yawɛ lɛ de.

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Romabi 1:17

Ejakaa sane kpakpa a lɛ tsɔɔ kaa kɛ je sisije kɛ yaa si nyagbe ɔ, hemi kɛ yemi nɔ Mawu daa nɛ e kɛ buu nimli adesahi nihi nɛ da. Kaa bɔ nɛ ngmami ɔ deɔ ɔ, “Nɔ nɛ a gu hemi kɛ yemi nɔ bu lɛ nɔ nɛ da a yi ma na wami.”

Romabi 10:3

Blɔ nɔ nɛ Mawu guu kɛ buu nɔ nɔ nɛ da a, a li, nɛ a hlaa kaa a ma wo mɛ nitsɛmɛ a blɔ. Lɔ ɔ he ɔ, a ngɔɛ a he ngɔ ha we Mawu, konɛ e bu mɛ nihi nɛ da.

Romabi 3:21

Jehanɛ lɛɛ blɔ nɔ nɛ Mawu guu kɛ buu nɔ nɔ nɛ da a, e je tsɔɔ wɔ. Pi mlaa sane ji nɛ ɔ. Mose mlaa a, kɛ gbali ɔmɛ ye he odase.

Efesobi 3:16

I kpaa Mawu pɛɛ, konɛ kɛ gu e ní babauu nɛ hɛ mi ngɛ nyami ɔ nɔ ɔ, e ha nɛ e Mumi Klɔuklɔu ɔ nɛ wo nyɛ mumi mi he wami.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Mose V, 33:25

Á ma a ma amɛ a nya dade agbohi, konɛ a na he wami daa.”

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

2 Tesalonikabi 1:6

Niinɛ, Mawu maa ye dami sane; nihi nɛ ngɛ nyɛ yi mi wae ɔ, Mawu maa hao mɛ ngɔ to nane mi.

2 Timoteo 2:1

Lɔ ɔ he ɔ, ye bi, nɛ Mawu dloo wɔ nɛ wa ngɛ Kristo Yesu mi ɔ, o he nɛ wa.