La 71:15 - BAIBLO ALOO NGMAMI KLƆUKLƆU Ɔ

¹⁵ Ligbi mluku ɔ tsuo ma wo o ta kaa o yeɔ dami sane; ma de daa ke yi wami helɔ ji mo. Pohu níhi nɛ o peeɔ ɔ hiɛ babauu pe bɔ nɛ ye juɛmi maa su he hulɔ.

La 71:15 ပူးပေါင်းရင်းမြစ်များ

La 40:5

Yawɛ, ye Mawu! O tsu nyakpɛ ní babauu ha wɔ; o to yi mi kpakpa babauu ngɛ wa he; mɛnɔ po kɛ mo sɔ? Ke i ke ma tu ní nɛ ɔmɛ tsuo a he munyu ɔ, i be nyɛe; ejakaa a he hiɛ tsɔ.

La 35:28

Ma jaje kaa Mawu nɛ yeɔ dami sane ji mo, nɛ ma je o yi daa.

La 145:2

Ma na mo si daa ligbi, nɛ ma je o yi kɛ maa ya neneene.

La 71:8

Ma je o yi, nɛ ma wo o hɛ mi nyami ligbi ɔ tsuo.

La 89:16

Mo o he ɔ, a bua jɔɔ a he daa nɛ; a jeɔ o yi, ejakaa o hi.

La 71:24

Ma ye odase daa ke o yeɔ dami sane. Ejakaa nihi nɛ hlaa kaa a maa gbe mi ɔ, zo gbe mɛ, nɛ ahlua hu bɔ mɛ.

La 30:12

Enɛ ɔ he je ɔ, i be ye nya mae; se mohu ma la kɛ je o yi. Yawɛ, ye Mawu, ma na mo si daa.

La 40:12

Haomi babauu nɛ hí kaiemi bɔle mi kɛ kpe. Ye yayami ɔmɛ ba pe mi, nɛ i pa hyɛ we nɔ́ hu. Ye yayami ɔmɛ hiɛ kulaa pe ye yi bwɔmi; ye mumi nya ta!

Manyadali 5:11

Nyɛɛ bu tue! Nimli asafo ɔ nɛ pueɔ si ngɛ nyɛ nyu yɛmi he ɔmɛ ɔ, a ngɛ lae, nɛ a ngɛ gbae bɔ nɛ Yawɛ ye manye ha Israel. Kɛkɛ nɛ Yawɛ ma a kɛ gɛjɛmi nyɛɛ kɛ ba agbo ɔmɛ a nya.

Kronika I, 16:23

Nyɛ la ha Yawɛ, nyɛ je ɔ tsuo! Nyɛɛ fiɛ manye sane ɔ daa ligbi kaa Yawɛ he wa yi wami.

La 40:6

O hla we bɔ, nɛ o hla we nike ní hulɔ. O bi we ke a sã sami bɔ, loo yayami pami bɔ ha mo. Mohu ɔ, o bli ye tue, konɛ ma nu o gbi.

La 51:16

O hla we bɔhi, jinɛ ma ngɔ kɛ ba; sami bɔ hu, o sume.

La 73:28

Se imi lɛɛ e hi kaa ma hɛ mi kɛ su Mawu he. Ma ya sa we ngɛ Nyɔmtsɛ Yawɛ ngɔ, nɛ ma sɛɛ níhi nɛ e pee ɔ tsuo.

Abɛ Womi 5:2

konɛ o hyɛ o he nɔ saminya, nɛ o munyu tumi nɛ tsɔɔ kaa ní lelɔ ji mo.