La 71:1 - BAIBLO ALOO NGMAMI KLƆUKLƆU Ɔ

¹ Yawɛ, o ngɔ nɛ i ba sa we ngɛ nɛ ɔ nɛ; ko ha nɛ ye hɛ mi nɛ pue si kɔkɔɔkɔ.

La 71:1 ပူးပေါင်းရင်းမြစ်များ

Matsɛmɛ II, 18:5

Hezekia ngɔ e hɛ ngɔ fɔ Yawɛ, Israel Mawu ɔ nɔ; enɛ ɔ he je ɔ, Yuda matsɛmɛ ɔmɛ nɛ nyɛɛ e hɛ mi, kɛ ni nɛmɛ nɛ nyɛɛ e se ɔ, a ti nɔ ko nɔ ko kɛ lɛ sɔɛ.

Kronika I, 5:20

A ngɔ a hɛ ngɔ fɔ Mawu nɔ, nɛ a fa kue ha lɛ ke e piɛ a he. Mawu bu a kue fami ɔ tue, nɛ e ha nɛ a ye Hagri bi ɔmɛ, kɛ a he piɛli ɔmɛ a nɔ.

La 125:1

Nihi nɛ ngɔɔ a hɛ kɛ fɔɔ Yawɛ nɔ ɔ, a ngɛ kaa Zion yo ɔ. E maa si kpɛii kɛ yaa neneene, nɛ nɔ́ ko nɔ́ ko be nyɛe ma mimiɛ lɛ.

La 146:5

Nɔ nɛ Yakob Mawu ɔ ji e he piɛlɔ, nɛ e ngɔɔ e hɛ kɛ fɔɔ Yawɛ e Mawu ɔ nɔ ɔ, a gbaa lɛ.

La 22:5

A fa kue ha mo, nɛ o he a yi wami. A ngɔ a hɛ kɛ fɔ o nɔ, nɛ a pia we a he kaa a pee ja.

Yesaya 45:17

Se Israel ma a lɛɛ Yawɛ ma he a yi wami kɛ maa ya neneene; e be hae nɛ a hɛ mi ma pue si kɔkɔɔkɔ.’ ”

Yeremia 17:18

Ni nɛmɛ nɛ ngɛ mi yi mi wae ɔ, ha nɛ zo nɛ gbe mɛ; se imi lɛɛ ha nɛ ma ye ye he. Ha nɛ sawale nɛ nu mɛ, se imi lɛɛ koo wo ye he gbeye. Ngɔɔ haomi kɛ ba a nɔ, nɛ o kpata a hɛ mi pɛsɛpɛsɛ.

Romabi 9:33

Ngmami ɔ deɔ ke, “Hyɛ, i ngɔ tɛ kɛ ngɛ si mae ngɛ Zion; e ma ha nihi ma tɛ si; e ji tɛ sa nɛ maa tsɛ̃ mɛ ngɔ fia si. Nɔ tsuaa nɔ nɛ heɔ tɛ nɛ ɔ yeɔ ɔ, zo be lɛ gbee kɔkɔɔkɔ.”

1 Petro 2:6

Ejakaa ngmami ɔ ke, “I hla tɛ ko nɛ he jua wa saminya, nɛ i kɛ ngɛ si mae ngɛ Zion kaa kɔ nya tɛ. Nɔ tsuaa nɔ nɛ heɔ lɛ yeɔ ɔ, zo be lɛ gbee kɔkɔɔkɔ.”