La 7:9 - BAIBLO ALOO NGMAMI KLƆUKLƆU Ɔ

⁹ Mawu nɛ yeɔ dami sane ji mo; o le nimli a tsui mi, kɛ a juɛmi mi. Ha nɛ nimli yayamihi nɛ jɔɔ yayami peemi, konɛ nimli kpakpahi lɛɛ o pee mɛ bɔ nɛ sa.

La 7:9 ပူးပေါင်းရင်းမြစ်များ

Mose I, 20:5

Abraham nitsɛ nɛ e de ke e nyɛmiyo ji yo ɔ. Yo ɔ nitsɛ hu de ke e nyɛminyumu ji Abraham. Nɔ́ nɛ i pee nɛ ɔ je ye tsui mi faa, nɛ ye he nile bui mi fɔ.”

Matsɛmɛ I, 8:32

Yawɛ, moo bu tue ngɛ hiɔwe nɛ o kojo o tsɔli ɔmɛ. Nɔ nɛ ye fɔ ɔ, gbla e tue bɔ nɛ sa lɛ; se nɔ nɛ pee we yayami ko ɔ lɛɛ o wo lɛ nguɔ.

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

La 10:15

Moo ku yiwutsotsɛmɛ, kɛ yayami peeli a he wami nya, nɛ o gbla a tue kɛ yaa si yayami peemi se maa po.

La 10:18

Moo ye awusahi, kɛ nɔ́ nali a sane ha mɛ, konɛ nɔmlɔ adesa kó wo a he gbeye hu.

La 11:5

Yawɛ kaa dali. Se yayami peeli, kɛ yiwutsotsɛmɛ lɛɛ e sume mɛ kulaa.

La 139:1

Yawɛ, o hyɛ ye mi tsuo, nɛ o le bɔ nɛ i ngɛ.

La 17:3

Ke o hyɛ ye tsui mi, ke o ba slaa mi nyɔ mi nɛ o ka mi ɔ, o be yayami ko nae ngɛ ye he. Ye munyu peeɔ anɔkuale; nɔ́ ko piɛ we he.

La 18:21

I ye Yawɛ mlaa amɛ a nɔ, nɛ i pee we yayami ko kɛ puɛ i kɛ ye Mawu ɔ wa kpɛti.

La 26:2

Yawɛ, kaa mi nɛ o hyɛ; hyɛ ye tsui mi, nɛ o hyɛ ye juɛmi mi.

La 35:23

Ye Mawu kɛ ye Nyɔmtsɛ, tee si nɛ o fa ye he! Tee si nɛ o ye ye sane ɔ ha mi koo!

La 37:23

Yawɛ lɛ tsɔɔ nɔ blɔ nɛ sa nɛ e nyɛɛ nɔ. Nɛ ke o pee saminya a, e naa o he bua jɔmi.

La 40:2

E gbla mi kɛ je muɔ nɛ mi ngɛ gbeye ɔ mi; e je mi kɛ je mɔsɔ nɛ mi ti ɔ mi. E ngɔ mi kɛ ma tɛ sa nɔ, nɛ e ha nɛ ye nane ma si ekohu.

La 43:1

Mawu lee! Hyɛ ye sane ɔ mi ha mi, nɛ o wo mi nguɔ. Jé mi kɛ je ma nɛ li mo ɔ a dɛ mi. Kpɔ mi kɛ je lakpatsɛmɛ, kɛ yayami peeli a dɛ mi oo!

La 44:21

anɛ mo, Mawu ɔ, o ko nɛ lo? Ejakaa o le níhi tsuo nɛ nɔmlɔ ngɔɔ kɛ laa ngɛ e tsui mi.

La 58:6

Yawɛ Mawu, nimli nɛ ɔmɛ ngɛ kaa jata awi yeli pɛ; ku a nya mi lungu ɔmɛ tsuo ngɔ pue he.

La 9:9

Yawɛ ji wesa he kɛ ha nihi nɛ a waa mɛ yi mi. Haomi be mi ɔ, e ngɔ lɛ a naa he jɔmi ngɛ.

La 96:10

Nyɛ de je ma amɛ tsuo ke, “Yawɛ ngɛ matsɛ yee! A ngɔ je ɔ ngɔ ma si ngɛ e hi he, nɛ nɔ ko be nyɛe ma mimiɛ lɛ. E maa kojo je ma amɛ ngɛ dami nya.”

La 96:13

ngɛ Yawɛ hɛ mi, ejakaa e ma! Ee, Yawɛ ma nɛ e ba kojo je ɔ. Yawɛ maa kojo je ɔ ngɛ dami kɛ anɔkuale nya.

La 98:9

ejakaa e ma nɛ e ba kojo je ɔ. Yawɛ maa kojo je ɔ ngɛ dami, kɛ anɔkuale nya.

Yeremia 11:20

Kɛkɛ nɛ i sɔle ke, “Yawɛ Tabohiatsɛ lee, kojolɔ nɛ yeɔ dami sane; mo nɛ o hyɛɛ nɔmlɔ adesa tsui mi kɛ e juɛmi mi fitsofitso. I to ye sane ɔ kɛ wo o dɛ; lɔ ɔ he ɔ, i ngɛ mo hyɛe konɛ o wo nimli nɛ ɔmɛ hiɔ bɔ nɛ sa mɛ.”

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

Yeremia 20:12

Se mo, Yawɛ Tabohiatsɛ! Moo lɛɛ o hyɛɛ nimli a tsui mi kɛ a juɛmi mi; o le nihi nɛ peeɔ nɔ́ nɛ da. I tu ye sane ɔ kɛ wo o dɛ, lɔ ɔ he ɔ, gbla ye he nyɛli ɔmɛ a tue ha mi nɛ ma na kɛ ye hɛngmɛ.

Daniel 11:45

E maa ma matsɛ bo tsu agboagbohi ngɛ wo ɔ, kɛ yo ɔ nɛ Yawɛ we ɔ maa si ngɛ nɔ ɔ a kpɛti. Se e ma gbo ngɛ lejɛ ɔ, nɛ nɔ ko be bae nɛ e ba je ngmlaa ha lɛ.”

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.

Romabi 16:25

Nyɛ ha wa je Mawu yi. Lɛ nɛ e ma ha nyɛ hemi kɛ yemi ɔ mi maa wa ngɛ Yesu Kristo he sane kpakpa a nɛ i fiɛ ha nyɛ ɔ mi. Kɛ je blema lokoo ɔ, nɔ ko nɔ ko li anɔkuale nɛ ɔ.

1 Tesalonikabi 3:13

Nɛ e wo nyɛ he wami, nɛ nyɛɛ kɛ tsui nɛ he tsɔ nɛ ba nyɛ je mi bɔ nɛ piami ko be nyɛ he hie ngɛ wa Tsɛ Mawu ɔ hɛ mi be mi nɛ wa Nyɔmtsɛ Yesu kɛ e ni klɔuklɔu ɔmɛ tsuo maa ba a.

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.

Yuda 1:1

Imi Yuda, Yesu Kristo tsɔlɔ, kɛ Yakobo nyɛminyumu ɔ, i ngɛ womi nɛ ɔ ngmae kɛ ya ha Kristo se nyɛɛli tsuo, nihi nɛ Tsɛ Mawu suɔ, nɛ e hla mɛ, nɛ a ngɔ mɛ ngɔ to ha Yesu Kristo ɔ.

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Samuel I, 16:7

Se Yawɛ de Samuel ke, “Koo hyɛ e kami, loo e he fɛu; i sume lɛ, ejakaa i hyɛ we nɔ́ kaa bɔ nɛ nɔmlɔ hyɛɛ nɔ́ ɔ. Nɔmlɔ lɛɛ nɔ hɛ mi e hyɛɛ; se imi Yawɛ lɛɛ tsui mi i hyɛɛ.”

Samuel I, 2:9

“E baa ni nɛmɛ nɛ yeɔ lɛ anɔkuale ɔ a yi. Se yayami peeli lɛɛ a hɛ mi kpataa ngɛ diblii mi; tsa pi adesa nitsɛ he wami nya nɛ e yeɔ manye.