La 7:12 - BAIBLO ALOO NGMAMI KLƆUKLƆU Ɔ

¹² Ke a tsakee we a tsui ɔ, Mawu maa duɔ e klaate ɔ nya. E pee e kɛ̃ɛ̃ ɔ klaalo momo,

La 7:12 ပူးပေါင်းရင်းမြစ်များ

Ni Tsumi 3:19

Lɔ ɔ he ɔ, nyɛ tsake nyɛ tsui, nɛ nyɛɛ kpale nyɛ se kɛ ba Mawu ngɔ, konɛ a ngɔ nyɛ he yayami ɔmɛ kɛ pa nyɛ.

Mateo 3:10

Amlɔ nɛ ɔ, gbiɛ ɔ fɔɔ si ngɛ tso sipoku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.

Ezekiel 18:30

“Lɔ ɔ he ɔ, imi Nyɔmtsɛ Yawɛ nitsɛ ma kojo Israel ma a tsuo; nɔ tsuaa nɔ ɔ, bɔ nɛ e ba e je mi ha a nɔ ma da kɛ kojo lɛ. Nyɛ kpa yayami ɔmɛ tsuo nɛ nyɛ ngɛ pee ɔ mɔ, konɛ nyɛ yayami ɔmɛ ko kpata nyɛ hɛ mi.

Mose V, 32:41

ma duɔ ye klaate nɛ kpɛɔ nylamnylam ɔ nya, nɛ ma hyɛ nɛ a ye dami sane. Ma ye lue ngɛ he nyɛli ɔmɛ a nɔ; nihi nɛ sume mi ɔ, ma gbla a tue.

La 85:4

Mawu, wa yi wami helɔ, kpale wɔ kɛ ba o ngɔ ekohu. O mi mi ko fu wɔ hu!

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Ezekiel 21:23

Se enɛ ɔ maa pee kaa yaka gbami ngɛ Yerusalem bi ɔmɛ a hɛ mi; ejakaa a so nɛ a ka kita ngɔ fɔ nɔ momo kaa huɛmɛ ji mɛ. Se kɛ̃ ɔ, gbami ɔ maa bɔ mɛ kɔkɔ ngɛ a yayami ɔmɛ a he, nɛ a maa le kaa a ma ba nuu mɛ.

Yesaya 34:5

Yawɛ pee e klaate ɔ klaalo ngɛ hiɔwe, konɛ jehanɛ e kɛ gbe Edom bi ɔmɛ nɛ e de ke a ma kpata a hɛ mi ɔ.

Yesaya 27:1

Jamɛ a ligbi ɔ, Yawɛ kɛ e klaate kpetekpleenyɛ ɔ maa gbe wo mi sinɔ agbo langalanga a.

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

La 9:5

O ka je ma amɛ a hɛ mi. O kpata yayami peeli a hɛ mi, nɛ a biɛ laa pɛsɛpɛsɛ.

La 129:4

Yawɛ lɛɛ nɔ́ nɛ da lɛ e peeɔ; e je mi kɛ je yiwutsotsɛmɛ a dɛ mi.”