La 7:10 - BAIBLO ALOO NGMAMI KLƆUKLƆU Ɔ

¹⁰ Mawu ji ye he bulɔ. Nihi nɛ peeɔ nɔ́ nɛ da a, e heɔ a yi wami.

La 7:10 ပူးပေါင်းရင်းမြစ်များ

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Kronika II, 6:30

moo nu a kue fami ɔ. Bu mɛ tue ngɛ o hi he ɔ ngɛ hiɔwe, nɛ o ngɔ a he yayami ɔmɛ ngɔ pa mɛ. Mo pɛ lɛ o le nɔmlɔ adesa tsui mi. Moo pee nɔ tsuaa nɔ hiami ní ha lɛ,

Hiob 8:6

Ke o he tsɔ, nɛ o peeɔ nɔ́ nɛ da a, Mawu ma tsɔ e hɛ mi ha mo, nɛ e ma ha mo sihi he kpakpa.

La 112:2

E nina maa pee ni nguanguahi ngɛ zugba a nɔ. Nɔ nɛ peeɔ nɔ́ nɛ da a, a maa gbaa e ngmɛdu.

La 125:4

Yawɛ, nihi nɛ peeɔ kpakpa, kɛ nihi nɛ peeɔ nɔ́ nɛ da kɛ je a tsui mi ɔ, ha nɛ e hi ha mɛ.

La 3:3

Se mo Yawɛ, o ngɛ kaa tsɛ̃i nɛ buɔ ye he daa. O woɔ mi mumi mi he wami, nɛ o woɔ ye hɛ mi nyami.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

La 89:18

Yawɛ, mo lɛ o hla wa he falɔ ɔ kɛ ha wɔ; mo, Israel Mawu klɔuklɔu ɔ, mo lɛ o ha wɔ wa matsɛ.

Abɛ Womi 11:20

Nihi nɛ a juɛmi mi hyi tɔ kɛ yayami ɔ, Yawɛ sume mɛ saasaa; nihi nɛ e suɔ ji ni nɛmɛ nɛ peeɔ nɔ́ nɛ da.

Abɛ Womi 2:21

Dali, kɛ nimli kpakpahi ji ni nɛmɛ nɛ maa hi zugba nɛ ɔ nɔ.

Abɛ Womi 28:18

Nɔ nɛ yeɔ anɔkuale ɔ, a ma he e yi wami. Se nɔ nɛ ní peemi níhi dɛ ɔ, lɛɛ e maa nɔ muɔ mi tlukaa.

Yeremia 11:20

Kɛkɛ nɛ i sɔle ke, “Yawɛ Tabohiatsɛ lee, kojolɔ nɛ yeɔ dami sane; mo nɛ o hyɛɛ nɔmlɔ adesa tsui mi kɛ e juɛmi mi fitsofitso. I to ye sane ɔ kɛ wo o dɛ; lɔ ɔ he ɔ, i ngɛ mo hyɛe konɛ o wo nimli nɛ ɔmɛ hiɔ bɔ nɛ sa mɛ.”

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”