La 69:36 - BAIBLO ALOO NGMAMI KLƆUKLƆU Ɔ

³⁶ E tsɔli ɔmɛ a nina maa ngɔ zugba a kɛ pee a gbosi ní, nɛ ni nɛmɛ nɛ suɔ lɛ ɔ maa hi lejɛ ɔ.

La 69:36 ပူးပေါင်းရင်းမြစ်များ

La 102:28

Wɔ, o tsɔli ɔmɛ, wa bimɛ ɔmɛ a yi ma na wami, nɛ a nina kɛ mo maa hi si ngɛ he jɔmi mi.

La 37:29

Nihi nɛ peeɔ nɔ́ nɛ da a, zugba a maa pee a nɔ́ nɛ a maa hi nɔ daa.

La 91:14

Bɔ nɛ Mawu ngɛ dee ji nɛ ɔ nɛ: “Nɔ nɛ suɔ mi, nɛ e le ye biɛ Yawɛ ɔ, ma he e yi wami, nɛ ma bu e he.

Yesaya 44:26

Ke i tsɔ ye tsɔlɔ ke e ya je ye yi mi tomi kpo kɛ tsɔɔ ɔ, munyu nɛ e tuɔ ɔ, i maa nɔ mi, nɛ gbami ɔmɛ tsuo baa mi pɛpɛɛpɛ. I ngɛ Yerusalem dee ke, nihi ma ba hi ma a mi ekohu; a maa ma Yuda ma amɛ ekohu, nɛ nimli ma ba hi a mi. A maa to jamɛ a ma amɛ si ekohu ngɛ ma doku ɔmɛ a nane mi.

Yesaya 61:9

A nina ma na biɛ saminya ngɛ je ma amɛ a kpɛti. Nihi tsuo nɛ maa na mɛ ɔ ma de ke ma nɛ imi Yawɛ nitsɛ i gbaa ji mɛ.”

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

Ni Tsumi 2:39

Ejakaa si nɛ Mawu wo ɔ, nyɛɛ kɛ nyɛ bimɛ, kɛ nihi abɔ tsuo nɛ ngɛ se lokoo nɛ Nyɔmtsɛ, wa Mawu ɔ ma tsɛ kɛ ba e ngɔ ɔ nyɛ he ngɛ mi.”

Romabi 8:28

Wa le kaa nɔ́ tsuaa nɔ́ mi ɔ, Mawu piɛɔ nihi nɛ suɔ lɛ ɔ a he, konɛ e hi ha mɛ. Nimli nɛ ɔmɛ ɔ, Mawu nitsɛ nɛ to e yi mi, nɛ e tsɛ mɛ.

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Kpojemi 21:27

Nɔ́ ko nɛ he tsɔ we be ma a mi bae. Nɔ nɛ peeɔ níhi nɛ a hiee, loo e yeɔ lakpa hu be mi bae. Nihi nɛ a ngma a biɛ ngɛ To bi ɔ hɛ kali a womi ɔ mi ɔ, mɛ pɛ lɛ a maa ba ma a mi.