La 69:29 - BAIBLO ALOO NGMAMI KLƆUKLƆU Ɔ

²⁹ Se imi lɛɛ ye ní ngɛ mɔbɔ; i ngɛ nɔ́ nae. Mawu, wo ye nɔ, nɛ o he ye yi wami!

La 69:29 ပူးပေါင်းရင်းမြစ်များ

La 109:22

Ohiatsɛ ji mi; ye ní ngɛ mɔbɔ, nɛ ye tsui ngɛ mi yee ngɛ ye mi mi tɔɔ.

La 109:31

Ejakaa e yeɔ dɛgutsɛ sane ha lɛ. Nihi nɛ buɔ dɛgutsɛ gbenɔ fɔ ɔ, e jeɔ lɛ kɛ jee a dɛ mi.

La 18:48

nɛ e je mi kɛ je ye he nyɛli ɔmɛ a dɛ mi. Yawɛ, mo lɛ o ha nɛ i ye ye he nyɛli ɔmɛ a nɔ, nɛ o je mi kɛ je yiwutsotsɛmɛ a dɛ mi.

La 20:1

Ke o ngɛ haomi mi, nɛ o tsɛ Yawɛ ɔ, Yawɛ nɛ bu mo tue. Yakob Mawu ɔ nɛ bu o he.

La 40:17

E fi mi, nɛ ye ní ngɛ mɔbɔ; se Nyɔmtsɛ ɔ hɛ ngɛ ye nɔ. Ye Mawu, mo ji ye he piɛlɔ; mo ji ye kpɔlɔ. Moo ba ye ngɔ esɔ, koo to tsle!

La 59:1

Ye Mawu, mo je mi kɛ je ye he nyɛli a dɛ mi, moo bu ye he, konɛ nihi nɛ te si wo mi ɔ, a ko nyɛ mi.

La 70:5

Ye yi fi nɛ ye ní ngɛ mɔbɔ. Mawu, moo ba ye ngɔ esɔ! Yawɛ, mo ji ye he piɛlɔ; mo ji ye kpɔlɔ. Koo to tsle!

Mose II, 32:33

Yawɛ he nɔ ke, “Nihi nɛ pee yayami kɛ si mi ɔ, mɛ pɛ a biɛ ma gbe ngɛ ye womi ɔ mi ɔ nɛ.

Yeremia 17:13

Yawɛ, Israel ma a ngɔ a hɛ ngɔ fɔ o nɔ; nɔ tsuaa nɔ nɛ ma kua mo ɔ, zo maa gbe lɛ. A maa laa kaa biɛ nɛ a ngma ngɛ zu mi, ejakaa a kua mo Yawɛ, mo wami nyu vu ɔ.

Mateo 8:20

Yesu de lɛ ke, “Kɔkɔbohi ngɛ muɔ, nɛ lohwe pɛlitsɛmɛ ngɛ tsu, se Nɔmlɔ Bi ɔ lɛɛ e be he ko nɛ e kɛ e yi fɔɔ.”

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.