La 69:24 - BAIBLO ALOO NGMAMI KLƆUKLƆU Ɔ

²⁴ O mi mi nɛ fu mɛ wawɛɛ; o mi mi la nɛ nya wa nɛ ɔ nɛ ba a nɔ tlukaa.

La 69:24 ပူးပေါင်းရင်းမြစ်များ

La 79:6

Je mahi nɛ li mo, kɛ ni nɛmɛ nɛ ja we mo ɔ, o mi mi nɛ fu mɛ.

Hosea 5:10

Yawɛ ke, “Ye mi mi wo la, ejakaa Yuda ma nimeli ɔmɛ ya tua Israel ma a, nɛ a kpɔ zugba ngɛ a dɛ. Enɛ ɔ he je ɔ, ma ngɔ ye abofu ɔ kɛ kple a nɔ kaa bɔ nɛ ke pa hia nɛ e puɛɔ ní ɔ.

Kpojemi 16:1

Jehanɛ ɔ, i nu gbi ko nɛ ngɛ pɛe gegeege kɛ je sɔlemi we ɔ. Gbi ɔ ngɛ bɔfo kpaago ɔmɛ dee ke, “Wai ɔ nɛ daa si ha Mawu mi mi fumi ɔ nɛ ngɛ kplu kpaago ɔmɛ a mi ɔ, nyɛɛ ya nɛ nyɛ ya plɛ ngɔ pue zugba.”

Luka 21:22

Ejakaa lue yemi ligbi ɔmɛ ji nɛ ɔmɛ nɛ; konɛ níhi tsuo nɛ ngmami ɔmɛ de ɔ nɛ ba mi.

Zakaria 1:6

Mlaahi nɛ i wo nyɛ nɛmɛ ɔmɛ, kɛ kɔkɔ nɛ i bɔ mɛ kɛ gu ye tsɔli nɛ ji gbali ɔmɛ a nɔ ɔ, tse a na mi nɔ́! Kɛkɛ nɛ jehanɛ a tsake a tsui, nɛ a de ke, Yawɛ Tabohiatsɛ ɔ gbla a tue bɔ nɛ sa mɛ ngɛ a ní peemi ɔmɛ a he kaa bɔ nɛ e to e yi mi ke e ma pee ɔ.”

Yesaya 13:8

A maa ye gbeye; nɛ a he mi maa hia mɛ kaa yo nɛ nu kɔɔmi. Gbeye ma ha a maa hi a sibi a hɛ mi hyɛe gaa kɛkɛ, nɛ a hɛ mi maa tsu paa kɛ zo kpɔtɔɔ.

Mose V, 31:17

Ke e ba mi ja a, ye mi mi ma fu. I ma kua mɛ, nɛ a hɛ mi ma kpata. Haomihi nɛ ngɛ gbeyegbeye maa ba a nɔ, nɛ lɔ ɔ loko a ma kpa si kaa ní nɛ ɔmɛ ngɛ a nɔ bae, ejakaa imi a Mawu ɔ, i kua mɛ.

Mose II, 15:15

Edom matsɛmɛ ɔmɛ a he mi jɔ̃; sawale nu Moab nimeli ɔmɛ; Kanaan bi ɔmɛ tsuo a kã a laa.