La 69:13 - BAIBLO ALOO NGMAMI KLƆUKLƆU Ɔ

¹³ Yawɛ Mawu, imi lɛɛ pɛɛ i ngɛ mo kpae; be nɛ sa o hɛ mi ɔ, he mi nɔ ngɛ o suɔmi babauu nɛ be nyagbe ɔ he.

La 69:13 ပူးပေါင်းရင်းမြစ်များ

2 Korintobi 6:2

Mawu ke, “Be nɛ sa mi ɔ, i bu mo tue; Nɛ yi wami hemi ligbi nɔ i ye bua mo ngɛ.” Hyɛ, be nɛ sa saminya ji nɛ ɔ nɛ; hyɛ mwɔnɛ ɔ ji yi wami hemi ligbi ɔ nɛ.

Yesaya 49:8

Bɔ nɛ Yawɛ ngɛ e ma a dee ji nɛ ɔ nɛ, “Ke be su nɛ ma he nyɛ yi wami ɔ, ma na nyɛ mɔbɔ; ngmlaa nɛ nyɛ ngɛ kpae ke ma ba piɛ nyɛ he ɔ, ma bu tue. Ma bu nyɛ he, nɛ ma baa nyɛ yi, nɛ ma gu nyɛ nɔ nɛ i kɛ je ma amɛ tsuo maa so. Nyɛ nitsɛmɛ nyɛ zugba nɛ hɛ mi kpata a, ma ha nyɛ ma ba hi nɔ ekohu.

La 91:15

Ke e tsɛ mi ɔ, ma he nɔ; ke haomi ba e nɔ ɔ, ma piɛ e he. Ma je lɛ, nɛ ma wo e hɛ mi nyami.

Samuel I, 25:8

Bi o nihewi ɔmɛ, nɛ a ma de mo. Lɔ ɔ he ɔ, akɛnɛ nyami ligbi nɔ wa ba ngɛ he je ɔ, mo he wɔ atuu. I kpa mo pɛɛ, nɔ́ tsuaa nɔ́ nɛ ngɛ o dɛ ɔ, mo ha o tsɔli ɔmɛ, kɛ o binyumu David hu eko.”

1 Petro 2:23

Benɛ a ngɛ lɛ jɛe ɔ, lɛɛ e jɛ we nɔ ngɔ to we nane mi. Benɛ e ngɛ amanehlu nae ɔ, e gbíɛ nɔ ko; se mohu e ngɔ e he ngɔ ha Mawu, kojolɔ ɔ nɛ yeɔ dami sane ɔ.

Hebribi 5:7

Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.

Yesaya 55:6

Be mi nɛ Yawɛ he kɛ we nɛ ɔ, nyɛ hla e se blɔ nɛ nyɛɛ fa kue ha lɛ.

Mose I, 24:27

E de ke, “A je Yawɛ, ye nyɔmtsɛ Abraham Mawu ɔ yi, kaa e na ye nyɔmtsɛ ɔ mɔbɔ, nɛ e ye si nɛ e wo lɛ ɔ nɔ. Yawɛ kpaka mi tɛɛ kɛ ba ye nyɔmtsɛ ɔ weku li a ngɔ.”

Luka 22:44

E kɛ he hiami sɔle wawɛɛ pe kekle ɔ po, nɛ e he latsa ngɛ tslee kɛ ngɛ si puee kaa muɔloku.]

La 98:3

Si ko nɛ e wo Israel ma a, e ye nɔ; e ye mɛ anɔkuale, nɛ e na mɛ mɔbɔ babauu. Nihi ngɛ je ɔ mi he tsuaa he na kaa wa Mawu ɔ ye kunimi.

La 51:1

Mawu, naa mi mɔbɔ ngɛ o suɔmi nɛ ngɛ daa a he; nɛ ngɛ o mɔbɔ nami nɛ be nyagbe ɔ he ɔ, tsu ye he yayami ɔmɛ.

La 32:6

Lɔ ɔ he ɔ, e sa kaa o ni klɔuklɔu ɔmɛ tsuo nɛ a fa kue ha mo ngɛ a fimi behi a mi. Ke haomi ba babauu kaa nyu nɛ ywia nga po, e be a he sae.

Ester 7:2

si enyɔne. Benɛ a ngɛ dã nue ɔ, matsɛ ɔ bi Ester ekohu ke, “Manyɛ Ester, jehanɛ, mo de mi koo. Mɛni o ngɛ hlae? Ke ye nɔ yemi ɔ mi fa po o ngɛ hlae ɔ, ma ha mo.”

Ester 5:6

Benɛ a ngɛ dã nue ɔ, matsɛ ɔ bi manyɛ ɔ ke, “Manyɛ Ester, mɛni ji o sane ɔ? Mɛni o ngɛ hlae? Ke ye nɔ yemi he ɔ mi fa po o ngɛ hlae ɔ, de mi, nɛ ma ha mo.”

Ester 5:2

Benɛ e na Manyɛ Ester nɛ daa si ngɛ kpo ɔ nɔ ɔ, e na e he bua jɔmi, nɛ e wo e matsɛ tso nɛ a kɛ sika tsu pee ɔ nɔ kɛ tsɔɔ lɛ. Kɛkɛ nɛ manyɛ ɔ ba matsɛ ɔ ngɔ, nɛ e kɛ e nine ba ta matsɛ tso ɔ he ngɛ e yi je.

Luka 1:72

E de ke e maa na wa nɛmɛ ɔmɛ mɔbɔ, nɛ e maa ye e somi klɔuklɔu ɔ nɔ.

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

Kɔmɔ Yemi 3:63

Hyɛ! A ngɛ sihi he jio, a ngɛ si dami nya jio, ye he fɛu sɔuu a ngɛ yee; a ngɔ mi ngɔ pee a nya mi la.