La 68:7 - BAIBLO ALOO NGMAMI KLƆUKLƆU Ɔ

⁷ Mawu, be nɛ o nyɛɛ o ma a hɛ mi, be nɛ o kɛ mɛ gu nga kplanaa a nɔ ɔ,

La 68:7 ပူးပေါင်းရင်းမြစ်များ

La 107:34

Zugba nɛ baa ní saminya a plɛ pee ngo zɔ zugba; ejakaa nihi nɛ hi lejɛ ɔ, yayami sɔuu a pee.

La 146:7

Nihi nɛ a waa mɛ yi mi ɔ, e yeɔ a sane kɛ haa mɛ. Nihi nɛ hwɔ ngɛ mɛ yee ɔ, e haa mɛ niye ní. Nihi nɛ a wo mɛ tsu ɔ, e jeɔ mɛ.

Mose II, 13:21

Piani ɔ, Yawɛ nyɛɛɔ a hɛ mi ngɛ bɔku titima mi nɛ e kɛ tsɔɔ mɛ blɔ. Nyɔ mi lɛɛ e nyɛɛɔ a hɛ mi ngɛ la titima mi nɛ e kɛ haa a hyɛɛ nɔ́, konɛ a nyɛ nɛ a nyɛɛ nyɔ kɛ pia.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Mika 2:13

Mawu ma bli blɔ ha mɛ, nɛ e ma je mɛ kɛ je a nyɔguɛ si himi ɔ mi. A maa gu ma agbo ɔmɛ a mi kɛ je kpo, nɛ a maa ye a he. A matsɛ ɔ nɛ ji Yawɛ nitsɛ maa nyɛɛ a hɛ mi.

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Manyadali 4:14

Kɛkɛ nɛ Debora de Barak ke, “Tee si! Mwɔnɛ ligbi nɛ ɔ, Yawɛ ngɔ Sisera kɛ wo o dɛ mi. Anɛ pi Yawɛ nitsɛ nɛ hia kɛ nyɛɛ o hɛ mi kɛ yaa a lo?” Lɔ ɔ he ɔ, Barak kple Tabor yo ɔ, kɛ e we bi akpe nyɔngma amɛ ngɛ e se.

Manyadali 5:4

Yawɛ, benɛ o je Seir, nɛ o hia kɛ je Edom kɛ ma a, zugba mimiɛ, nɛ hiɔmi nɛ. Niinɛ, nyu je bɔku ɔmɛ a mi pue si.