La 68:32 - BAIBLO ALOO NGMAMI KLƆUKLƆU Ɔ

³² Nyɛ je nɛ ɔ mi matsɛ yemihi tsuo, nyɛ la kɛ ha Mawu. Nyɛ la kɛ je Nyɔmtsɛ ɔ yi;

La 68:32 ပူးပေါင်းရင်းမြစ်များ

La 100:1

Nyɛ je ɔ tsuo, nyɛ hwɔ lele ha Yawɛ!

La 102:22

Jamɛ a be ɔ, je ma amɛ, kɛ matsɛmɛ ɔmɛ tsuo ma ba bua a he nya nɛ a ma ja Yawɛ.

Yesaya 18:7

Be ma nɛ Yawɛ Tabohiatsɛ ɔ ma na nike ní kɛ je zugba kɛ e nɔ pahi babauu ɔ nɔ. E ma na nike ní kɛ je nimli gagaagahi kɛ a he tlotlootlo nɛ je ɔ tsuo yee mɛ gbeye ɔ a dɛ mi. A maa ba Zion yo ɔ nɔ, he nɛ a jaa Yawɛ Tabohiatsɛ ɔ ngɛ ɔ.

Yesaya 19:21

Yawɛ ma je e he si kɛ tsɔɔ Egipt bi ɔmɛ, nɛ a maa le lɛ; a ma ja lɛ, nɛ a kɛ sami bɔhi, kɛ nike ní ma ba ha lɛ. A ma ka Yawɛ kita nɛ a maa ye nɔ pɛpɛɛpɛ.

Mose V, 32:43

“Je mahi lee, nyɛ je Yawɛ ma a yi; nihi tsuo nɛ gbee e ma a, Yawɛ gblaa a tue. E yeɔ lue ngɛ e he nyɛli ɔmɛ a nɔ, nɛ e kɛ e ma a he yayami paa mɛ.”

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”