La 68:3 - BAIBLO ALOO NGMAMI KLƆUKLƆU Ɔ

³ Se nihi nɛ peeɔ nɔ nɛ da a, mɛɛ lɛɛ a nya, nɛ a la kɛ bua jɔmi ngɛ Mawu hɛ mi.

La 68:3 ပူးပေါင်းရင်းမြစ်များ

La 21:1

Yawɛ, matsɛ ɔ bua jɔ e he, ejakaa o ha lɛ he wami. Matsɛ ɔ ngɛ nyae, ejakaa o ha nɛ e ye kunimi.

La 32:11

Nyɛ dali, nɔ́ nɛ Yawɛ pee ha nyɛ ɔ he je ɔ, nyɛ nya nɛ nyɛ bua nɛ jɔ nyɛ he. Nyɛ nihi nɛ nyɛ buɔ lɛ tue, nyɛ hwɔ lele.

La 37:20

Se yayami peeli lɛɛ a hɛ mi ma kpata. Yawɛ he nyɛli ɔmɛ maa pee kaa nga nɔ mɔmɔ. A maa ta si kake too kaa bɔ nɛ la su ku se poo ɔ.

La 43:4

Kɛkɛ ɔ, ma ya su o bɔ sami la tɛ ɔ he, ngɛ mo Mawu, ye bua wolɔ nitsɛnitsɛ ɔ o ngɔ. Ma fia kpa saku kɛ je o yi, mo Mawu, ye Mawu.

La 58:10

Ke a gbla yayami peelɔ tue bɔ nɛ sa lɛ ɔ, ndalɔ a ma nya, nɛ e maa nyɛɛ yayami peelɔ ɔ muɔ mi kɛ be.

La 64:10

Nihi tsuo nɛ peeɔ nɔ́ nɛ da a, a nya, nɛ a ngɔ a he kɛ ha Yawɛ. Nihi tsuo nɛ a tsui mi tsɔ ɔ, a wo e hɛ mi nyami.

La 75:4

I ngɛ he nɔ woli dee ke, ‘Nyɛ ko fĩa!’ I ngɛ yiwutsotsɛmɛ dee ke, ‘Nyɛ ko wo nyɛ he nɔ!’

La 97:12

Nyɛ dali, nyɛ bua nɛ jɔ nyɛ he ngɛ nɔ́ nɛ Yawɛ pee ɔ he. Nyɛ kai nɔ́ nɛ Mawu klɔuklɔu ɔ pee ha nyɛ ɔ nɛ nyɛɛ na lɛ si.

Mose V, 12:12

Nyɛɛ kɛ nyɛ bimɛ ɔmɛ, nyɛ tsɔli nyumu ɔmɛ, nyɛ mawayi ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ tsuo nyɛ nya ngɛ Yawɛ, nyɛ Mawu ɔ hɛ mi; nyɛ kai kaa Levi bi ɔmɛ lɛɛ a be zugba ko nae kaa mɛ nitsɛmɛ a nɔ́.

1 Tesalonikabi 5:16

Nyɛ na bua jɔmi daa;

1 Petro 1:8

Nyɛ nɛ́ lɛ hyɛ, se nyɛ suɔ lɛ; amlɔ nɛ ɔ hu nyɛ nɛ́ lɛ, se nyɛ heɔ lɛ yeɔ, nɛ nyɛ naa bua jɔmi nɛ nyɛ nyaa bɔ nɛ e be hie kalemi,

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Kpojemi 19:7

Nyɛ ha nɛ wa bua nɛ jɔ, nɛ wa nya! Nyɛ ha nɛ wa je e yi, ejakaa e kle! Ejakaa be ɔ su nɛ To bi ɔ maa kpee yo, nɛ ayɛflo ɔ dla e he ngɔ to.