La 68:29 - BAIBLO ALOO NGMAMI KLƆUKLƆU Ɔ

²⁹ Yawɛ, o we ɔ nɛ ngɛ Yerusalem he je ɔ, matsɛmɛ ngɔɔ nike ní kɛ ba haa mo.

La 68:29 ပူးပေါင်းရင်းမြစ်များ

La 76:11

Nyɛɛ wo Yawɛ, nyɛ Mawu ɔ si, nɛ nyɛɛ ye siwo ɔmɛ a nɔ. Nyɛ nihi tsuo nɛ nyɛ bɔle Nyɔmtsɛ ɔ, nɔ nɛ he ngɛ gbeye ɔ, nyɛɛ ngɔ nike ní ba ha lɛ.

Matsɛmɛ I, 10:10

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu kilo akpe eywiɛ, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Matsɛ Salomo ɔ, Salomo na we eko nɛ hiɛ kaa ja hyɛ.

La 45:12

Tiro ma mi bi ɔmɛ maa ngɔ nike ní kɛ ba sa o hɛ mi.

Kronika I, 29:3

Ngɛ ní nɛ ɔmɛ kulaa a se ɔ, i ngɔ imi nitsɛ ye sika hiɔ, kɛ sika tsu ngɔ ha, ejakaa i suɔ Mawu we ɔ.

Yesaya 18:7

Be ma nɛ Yawɛ Tabohiatsɛ ɔ ma na nike ní kɛ je zugba kɛ e nɔ pahi babauu ɔ nɔ. E ma na nike ní kɛ je nimli gagaagahi kɛ a he tlotlootlo nɛ je ɔ tsuo yee mɛ gbeye ɔ a dɛ mi. A maa ba Zion yo ɔ nɔ, he nɛ a jaa Yawɛ Tabohiatsɛ ɔ ngɛ ɔ.

Nehemia 2:8

I bi hu ke a ha mi womi kɛ ya ha Asaf, nɔ nɛ hyɛɛ matsɛ ɔ hue ɔmɛ a nɔ ɔ, konɛ e ha mi tso nɛ ma kɛ kpɛ agbohi ha mɔ ɔ nɛ ngɛ Yawɛ we ɔ kasa nya a, kɛ gbogbo nɛ a fia kɛ bɔle ma a, kɛ imi nitsɛ ye we nɛ ma hi mi ɔ. Mawu ngɛ ye se, lɔ ɔ he ɔ, matsɛ ɔ ha mi níhi nɛ i bi lɛ ɔ tsuo.

Kronika II, 32:33

Hezekia ba gbo, nɛ a pu lɛ ngɛ matsɛmɛ ɔmɛ a gɔ ɔ mi, ngɛ yiti je ɔ. Benɛ e gbo ɔ, Yuda kɛ Yerusalem tsuo wo e hɛ mi nyami. Hezekia bi Manase ba ye matsɛ ngɛ e se.

Kronika II, 32:23

Nihi babauu ba Yerusalem, ba sã bɔ ha Yawɛ, nɛ a ke Matsɛ Hezekia hu níhi nɛ a he jua wa. Nɛ kɛ je jamɛ a be ɔ kɛ yaa a, je ma amɛ tsuo buɔ Hezekia saminya.