La 68:27 - BAIBLO ALOO NGMAMI KLƆUKLƆU Ɔ

²⁷ Benyamin, wɛtso ɔmɛ a kpɛti wayoo pe kulaa a, lɛ nɛ nyɛɛ hɛ mi ha mɛ. Yuda ganɔ ɔmɛ, kɛ e we asafoatsɛmɛ ɔmɛ nyɛɛ se; Zebulun ganɔ ɔmɛ tsa nɔ, nɛ Naftali ganɔ ɔmɛ gbe nya.

La 68:27 ပူးပေါင်းရင်းမြစ်များ

Samuel I, 9:21

Saul he nɔ ke, “I je Benyamin, Israel wɛtso nɛ ji nyafii pe kulaa a mi; nɛ ye weku ɔ hu ji weku nyafii pe kulaa ngɛ wɛtso ɔ mi. Mɛni he je mɔ nɛ o kɛ mi ngɛ munyu tue kikɛ nɛ ɔ?”

Yesaya 11:13

Israel, Efraim nina a kɛ Yuda be nɔ́ he plee hu; nɛ Yuda be Israel nya dooe hu.

La 60:7

Ye mahi ji Gilead, kɛ Manase. Efraim ji ye dade pɛɛ, nɛ Yuda ji ye matsɛ tso.

La 47:9

Je ma amɛ a ganɔ ɔmɛ bua a he nya kɛ ba, konɛ a ba pee Abraham Mawu ɔ ma. E he wa pe je nɛ ɔ mi tabo ɔmɛ tsuo. Matsɛ kpetekpleenyɛ ji lɛ.

Kronika I, 27:12

Asafo kuu nɛɛne ɔ nyatsɛ ji Abiezer. E je Anatot ngɛ Benyamin zugba a nɔ. E we bi akpe nyingmi enyɔ kɛ eywiɛ tsuɔ ní ngɛ nyɔhiɔ nɛɛne ɔ mi daa jeha.

Kronika I, 15:3

Kɛkɛ nɛ David kpee Israel ma a tsuo kɛ ba Yerusalem, konɛ a ya ngɔ Yawɛ somi daka a kɛ ba ma he nɛ e dla kɛ to lɛ ɔ.

Kronika I, 12:16

Ligbi ko ɔ, Benyamin bi kpa komɛ kɛ Yuda bi komɛ ba David ngɔ ngɛ e tɛ puɔ ɔ mi.

Manyadali 20:35

Yawɛ ha Israel ye Benyamin nɔ, nɛ jamɛ a ligbi ɔ, Israel bi ɔmɛ kpata Benyamin ta buli akpe nyingmi enyɔ kɛ enuɔ kɛ e nya lafa a hɛ mi;

Manyadali 5:18

Se Zebulun, kɛ Naftali lɛɛ a ngɔ a wami ngɔ ke gbenɔ ngɛ ta nga nɔ.

Mose I, 42:32

Nyumu kake bimɛ ji wɔ. Jinɛ nyɛmimɛ nyɔngma kɛ enyɔ ji wɔ; se wa ti nɔ kake be je mi, nɛ jokuɛyo ɔ hu ngɛ wa tsɛ ngɔ ngɛ Kanaan zugba a nɔ.’

Samuel II, 3:19

Abner kɛ Benyamin wɛtso ɔ hu ya na ní sɛɛmi. Lɔ ɔ se ɔ, e ya Hebron nɛ e ya bɔ David nɔ́ tsuaa nɔ́ nɛ Israel kɛ Benyamin we ɔ wo si ke a maa pee ɔ.

La 26:12

Ma je Yawɛ yi ngɛ ma a tsuo hɛ mi; ejakaa i ye ye he kɛ je amanehluhi tsuo a mi.

Yesaya 48:1

Israel ma, Yuda nina, nyɛɛ bu nɔ́ nɛ ɔ tue; nyɛ nɛ nyɛ ngɔɔ Yawɛ biɛ kɛ kaa kita, nɛ nyɛ tsiɔ Israel Mawu ɔ ta ke nyɛ ngɛ lɛ jae, pi anɔkuale mi, se nya mi gu.