La 68:21 - BAIBLO ALOO NGMAMI KLƆUKLƆU Ɔ

²¹ Mawu maa ywia e he nyɛli ɔmɛ a yi; níhi nɛ ji yayami peeli a hɛ mi nyami ɔ, Mawu ma kpata lɔ ɔmɛ tsuo a hɛ mi.

La 68:21 ပူးပေါင်းရင်းမြစ်များ

Habakuk 3:13

O je kpo nɛ o ya he o ma a, kɛ matsɛ ɔ nɛ mo nitsɛ o hla a a yi wami. O fia yiwutsotsɛmɛ ɔmɛ a hɛ mi nyɛɛlɔ ɔ nɔ́ nɛ o gbe, nɛ o kpata e we bi ɔmɛ a hɛ mi butuu.

La 110:6

E maa gbla je ma amɛ a tue; nɛ ma amɛ a mi ma hyi tɔ kɛ ni gbogboehi. E ma kpata matsɛmɛ ɔmɛ a hɛ mi ngɛ je ɔ mi tsuo.

La 7:12

Ke a tsakee we a tsui ɔ, Mawu maa duɔ e klaate ɔ nya. E pee e kɛ̃ɛ̃ ɔ klaalo momo,

Luka 13:5

Dɛbi! I ngɛ nyɛ dee ke, ke nyɛ tsakee we nyɛ tsui ɔ, nyɛ tsuo nyɛ ma gbo ja nɔuu.”

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

Marko 12:4

Ngmɔtsɛ ɔ kpale tsɔ nɔ kpa apaa yeli ɔmɛ a ngɔ. Se a ywia e yi, nɛ a pue e hɛ mi si.

La 68:18

O kuɔ yo gagaa a, nɛ o kpaka nihi nɛ a nuu mɛ ta nyɔguɛ kɛ nyɛɛ o se yuu. O he nike ní kɛ je nimli adesahi tsuo a dɛ; o he ngɛ atuã tsɔli tete po a dɛ, konɛ mo Yawɛ ɔ o hi a kpɛti ngɛ lejɛ ɔ.

Mose II, 14:13

Se Mose de ma a ke, “Nyɛ ko je fɔ̃, nyɛɛ da si kaa nyumuhi, nɛ nyɛ maa na bɔ nɛ Yawɛ maa pee kɛ he nyɛ yi wami mwɔnɛ ɔ. Egipt bi ɔmɛ nɛ nyɛ ngɛ mɛ hyɛe mwɔnɛ ɔ, nyɛ be mɛ nae hu gblegbleegble.

La 91:3

E ma je mo kɛ je klamahi nɛ a tsɔ mo ɔ tsuo mi. E ma je mo kɛ je gbenɔ hiɔ hu mi ja nɔuu.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.