La 68:18 - BAIBLO ALOO NGMAMI KLƆUKLƆU Ɔ

¹⁸ O kuɔ yo gagaa a, nɛ o kpaka nihi nɛ a nuu mɛ ta nyɔguɛ kɛ nyɛɛ o se yuu. O he nike ní kɛ je nimli adesahi tsuo a dɛ; o he ngɛ atuã tsɔli tete po a dɛ, konɛ mo Yawɛ ɔ o hi a kpɛti ngɛ lejɛ ɔ.

La 68:18 ပူးပေါင်းရင်းမြစ်များ

Kpojemi 21:3

I nu nɛ gbi ko pɛ wawɛɛ kɛ je matsɛ sɛ ɔ he kɛ de ke, “Jehanɛ ɔ lɛɛ Mawu hi he ji nimli a kpɛti! E kɛ mɛ maa hi si, nɛ a maa pee e ma. Mawu nitsɛ kɛ mɛ maa hi si, nɛ e maa pee a Mawu.

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Manyadali 5:12

Wo o he nɔ, Debora, wo o he nɔ! Wo o he nɔ, wo o he nɔ nɛ o la! Abinoam binyumu Barak, tee si nɛ o kpaka o nyɔguɛ ɔmɛ kɛ ho!

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.

Ni Tsumi 2:4

Mumi Klɔuklɔu ɔ ba mɛ tsuo a nɔ saminya, nɛ a bɔni gbi slɔɔtoslɔɔtohi tumi ngɛ Mumi Klɔuklɔu ɔ he wami nya.

Yohane 16:7

I ngɛ nyɛ dee anɔkuale mi ke e hi kɛ ha nyɛ mohu kaa ma je, ejakaa ke i ji ɔ, Hepiɛlɔ ɔ be nyɛ ngɔ bae. Ke i je ɔ lɛɛ ma wo lɛ blɔ kɛ ba nyɛ ngɔ.

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

La 47:5

Mawu ho hiɔwe ya, nɛ a he ose! Yawɛ ho hiɔwe ya, nɛ titimati pɛ, benɛ e yaa hi e sɛ ɔ nɔ ɔ!

La 24:3

Mɛnɔ lɛ ngɛ he blɔ nɛ e kuɔɔ Yawɛ yoku ɔ? Mɛnɔ maa ya e we klɔuklɔu ɔ?

Kolosebi 2:9

Ejakaa bɔ nɛ Mawu su ngɛ tutuutu ɔ, lɔ ɔ wa naa ngɛ Kristo mi benɛ e ba ngɛ he lo mi ɔ nɛ.

La 78:60

E si e sihi he ɔ nɛ ngɛ Shilo ɔ, bo tsu ɔ nɛ e hi mi ngɛ e ma a kpɛti ɔ.

Kolosebi 2:3

Nile, kɛ juɛmi nɛ mi kuɔ ɔ, Kristo mi a naa ngɛ.

Romabi 5:8

Se suɔmi kpetekpleenyɛ nɛ Mawu je kpo ji nɛ ɔ nɛ, kaa be nɛ wa ji yayami peeli ɔ, jamɛ a be ɔ Kristo ba gbo ngɛ wa he.

Kronika II, 6:18

“Se anɛ mo Mawu, o kɛ nɔmlɔ adesa ma nyɛ maa hi zugba nɛ ɔ nɔ niinɛ lo? Mo, nɛ hiɔwe kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Kpojemi 1:20

Dodoe kpaago ɔmɛ nɛ o na ngɛ ye hiɔ nine mi, kɛ sika tsu kane tso kpaago ɔmɛ ɔ, laami sane nɛ kɔɔ a he ji nɛ ɔ nɛ: dodoe kpaago ɔmɛ daa si ha asafo kpaago ɔmɛ a bɔfohi, nɛ kane tso kpaago ɔmɛ daa si ha asafo kpaago ɔmɛ.”

Hebribi 8:1

Nɔ́ nɛ wa ngɛ dee ɔ we oti ɔ tsɔɔ kaa wa ngɛ nɔ ko nɛ ji osɔfo nɔkɔtɔma pe kulaa nɛ hii si ngɛ Mawu matsɛ sɛ ɔ hiɔ nɔ ngɛ hiɔwe.

Hebribi 6:20

Wa he ɔ, Yesu sɛ wa hɛ mi kɛ ho lejɛ ɔ ya, nɛ e ya pee osɔfo nɔkɔtɔma pe kulaa kɛ yaa neneene kaa Melkizedek pɛ.

Hebribi 4:14

Nyɛ ha nɛ waa hɛɛ hemi kɛ yemi nɛ wa jajeɔ ɔ mi wawɛɛ. Ejakaa wa ngɛ osɔfo nɔkɔtɔma pe kulaa kpetekpleenyɛ nɛ po mi kɛ ho hiɔwe ya tɔɔ. Lɛ ji Yesu, Mawu Bi ɔ.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Ni Tsumi 9:17

Lɔ ɔ he ɔ, Anania pue nɔ kɛ ho we mi he nɛ Saulo ngɛ ɔ ya. E kɛ e nine ya pue e nɔ, nɛ e de lɛ ke, “Ye nyɛmi Saulo, Nyɔmtsɛ ɔ tsɔ mi o ngɔ. Lɛ ji Yesu nɛ je e he kpo tsɔɔ mo benɛ o ma ngɛ blɔ ɔ nɔ ɔ nɛ. E tsɔ mi, konɛ ma ba ha nɛ o hyɛ nɔ́ ekohu, nɛ́ o na Mumi Klɔuklɔu ɔ.”

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Luka 24:51

Benɛ e ngɛ mɛ gbae ɔ, e je a he, [nɛ a ngɔ lɛ kɛ ho hiɔwe ya.

Luka 24:49

nɛ ma ha Mumi Klɔuklɔu ɔ maa ba nyɛ nɔ kaa bɔ nɛ Tsaatsɛ wo si ɔ. Se nyɛɛ hi Yerusalem ma a mi kɛ yaa si he wami nɛ je hiɔwe ɔ maa ba nyɛ nɔ.”

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Marko 16:9

[Hɔgba mɔtu mla a nɛ Yesu te si kɛ je gbeje se ɔ, e je e he kpo tsɔɔ Maria Magdalena kekle. Maria nɛ ɔ ji yo nɛ Yesu hia mumi yayami kpaago kɛ je e mi be ko ɔ nɛ.

Mateo 9:13

Nyɛɛ ya nɛ nyɛ ya hla ngmami nɛ ɔ sisi: ‘Mɔbɔ nami i ngɛ hlae, se pi bɔ sami!’ I bɛ nɛ ma ba tsɛ nihi nɛ peeɔ nɔ́ nɛ da, se mohu yayami peeli.”

Ezekiel 48:35

Gbogbo nɛ maa bɔle ma a kɛ kpe ɔ tsuo, ke a susu ɔ, é pee gugue akpe eywiɛ kɛ e nya lafa enuɔ. Kɛ je jamɛ a ligbi ɔ, biɛ nɛ a kɛ ma tsɛ ma a ji, “Yawɛ ngɛ hiɛmɛ nɛ ɔ!”

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

La 7:7

Lɔ ɔ he ɔ, ha nɛ a bua je ma amɛ tsuo a nya kɛ bɔle mo, nɛ o je hiɔwe kɛ ye a nɔ.

Mose V, 33:2

Yawɛ kple si kɛ je Sinai yo ɔ nɔ kaa pu nɛ gba ngɛ Edom yo ɔ nɔ, nɛ e tso ha e ma a kɛ je Paran yo ɔ he. Mawu bɔfohi akpe nyɔngma piɛ e he; a ngɛ kaa la nɛ ngɛ tsoe plamplam ngɛ e hiɔ nɔ.

Yoel 2:11

Yawɛ maa wo gbi kɛ fa e tabo ɔ he. E ta buli ɔmɛ a he hiɛ babauu; nihi nɛ buɔ Yawɛ tue ɔ, a li a yibɔ. Yawɛ ligbi ɔ maa pee gbeye. Mɛnɔ ma nyɛ nya maa da?