La 68:17 - BAIBLO ALOO NGMAMI KLƆUKLƆU Ɔ

¹⁷ Nyɔmtsɛ ɔ kple si kɛ je Sinai yo ɔ nɔ kɛ ba e he klɔuklɔu ɔ. E kɛ e ta zugba lɛ babauu nitsɛ lɛ ba.

La 68:17 ပူးပေါင်းရင်းမြစ်များ

Mose V, 33:2

Yawɛ kple si kɛ je Sinai yo ɔ nɔ kaa pu nɛ gba ngɛ Edom yo ɔ nɔ, nɛ e tso ha e ma a kɛ je Paran yo ɔ he. Mawu bɔfohi akpe nyɔngma piɛ e he; a ngɛ kaa la nɛ ngɛ tsoe plamplam ngɛ e hiɔ nɔ.

Daniel 7:10

La ngɛ tsoe gegeege ngɛ e hɛ mi kaa pa nɛ hia kɛ bee. Nihi akpeakpehi ngɛ lejɛ ɔ ngɛ lɛ sɔmɔe, nɛ akpe nyɔngma totoe akpe nyɔngma daa si ngɛ e hɛ mi. Kojoli ɔmɛ ba hi si, nɛ a bli womi ɔmɛ a nya.

Kpojemi 5:11

Jehanɛ ɔ, ngɛ nina a mi ɔ, i nu bɔfohi babauu akpeakpe abɔ a gbi nɛ bɔle matsɛ sɛ ɔ, kɛ hɛ kali ɔmɛ, kɛ nikɔtɔma amɛ kɛ kpe.

Mateo 26:53

Anɛ o susu kaa i be nyɛe ma kpa Tsaatsɛ pɛɛ, nɛ amlɔ nɛ ɔ nɔuu e maa tsɔ hiɔwe bɔfohi asafo nyɔngma kɛ enyɔ kɛ se kɛ ba nɛ a ba je ngmlaa ha mi lo?

Habakuk 3:8

Yawɛ, anɛ pa amɛ lɛ a wo o mi mi la a lo? Aloo wo ɔ lɛ ha o hɛ dɔ, benɛ o hi bɔku ɔmɛ a nɔ kɛ nyɛɛ kaa ta zugba lɛ kɛ ya ye kunimi ɔ?

Kpojemi 9:16

A tsɔɔ mi okpɔngɔ ta buli ɔmɛ a yibɔ; a hiɛmi ji ayɔ lafa enyɔ.

La 18:10

E hi kerub nɔ kɛ te; e he sɔ kɛ nyɛɛ kɔɔhiɔ mi kɛ ba.

Mose II, 3:5

Mawu de lɛ ke, “Koo hɛ mo kɛ su hiɛ ɔ! Je o tokota a, ejakaa zugba klɔuklɔu nɔ o daa si ngɛ ɔ nɛ!”

Matsɛmɛ II, 2:11

Benɛ a ngɛ ní sɛɛe kɛ yaa a, ta zugba lɛ nɛ la okpɔngɔhi ngɛ gblae ba gba mɛ ni enyɔ ɔmɛ a kpɛti; nɛ lasiogblee sá Eliya kɛ ho hiɔwe ya.

La 9:12

Mawu kaiɔ nɔ́ nali, nɛ e yeɔ a he lue. Ke nɔ́ nali fa kue ha Mawu ɔ, e nuɔ; e hɛ ji a nɔ.

Yesaya 2:2

Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

Ezekiel 43:7

“Nɔmlɔ adesa, ye matsɛ sɛ maa si ngɛ hiɛmɛ nɛ ɔ; ma hi Israel bi ɔmɛ a kpɛti ngɛ hiɛmɛ nɛ ɔ kɛ maa ya neneene. Kɛkɛ ɔ, Israel ma a jio, a matsɛmɛ ɔmɛ jio, a be ye hɛ mi si puee hu; a be mawu kpahi jae, nɛ a be a matsɛmɛ ɔmɛ a gbogboe ɔmɛ pue ngɛ hiɛmɛ nɛ ɔ hu.

Ezekiel 43:9

Jehanɛ lɛɛ a ma kpa mawu kpahi jami, nɛ a ma je a matsɛmɛ ɔmɛ a gbogboe ɔmɛ kɛ je ye kasa nya kɛ ya se lokoo. Ke a pee ja a, ma hi a kpɛti kɛ maa ya neneene.”