La 68:14 - BAIBLO ALOO NGMAMI KLƆUKLƆU Ɔ

¹⁴ Benɛ Mawu Ope ɔ gbɛ matsɛmɛ ɔmɛ ngɔ fĩa a, e pee kaa nɔ́ nɛ snoo ngɛ nɛe ngɛ Zalmon yo ɔ nɔ.

La 68:14 ပူးပေါင်းရင်းမြစ်များ

La 51:7

Ngɔɔ nga nɛ a fi kɛ bla kaa bɛ kɛ tsu ye he, konɛ ye he nɛ tsɔ. Du ye he ha mi saminya, nɛ ma hiɛ futaa pe sinoo.

Yesaya 1:18

Yawɛ ke, “Jehanɛ, nyɛɛ ba nɛ wɔ tsuo wa susu he. Ke nyɛ he yayami ɔ tsu kaa mɛni po, ma ha e ma hiɛ futaa kaa snoo, loo jijɔ he bwɔmi.

Yeremia 2:3

Jamɛ a be ɔ mi ɔ, imi nitsɛ ye nihi nɛ i hla ji nyɛ Israel bi; ye weto ní klɔuklɔu ji nyɛ. Nihi tsuo nɛ pee nyɛ yayami ɔ, i ngɔ haomi kɛ gbla a tue. Imi, Yawɛ lɛ i de.”

Mose IV, 21:3

Yawɛ bu Israel bi ɔmɛ a gbi tue, nɛ e ngɔ Kanaan bi ɔmɛ kɛ wo a dɛ mi; nɛ a kpata a kɛ a ma amɛ a hɛ mi pɛsɛpɛsɛ. Lɔ ɔ he ɔ, a wo lejɛ ɔ biɛ ke Horma.

Manyadali 2:7

Yoshua wami ligbi ɔmɛ tsuo ɔ, ma a sɔmɔ Yawɛ. Yoshua gbenɔ se, be mi nɛ ma nimeli nɛ na ní nguanguahi tsuo nɛ Yawɛ tsu ha Israel ɔ na we nɛ a gbo ɔ, a ya nɔ nɛ a sɔmɔ Yawɛ ja nɔuu.

Manyadali 9:48

Abimelek kɛ e we bi ɔmɛ tsuo kuɔ Zalmon yo ɔ. Abimelek ya ngɔ gbiɛ nɛ e kɛ po tso kɔni, nɛ e kɛ fɔ e konɔ. Kɛkɛ nɛ e de e we bi ɔmɛ ke, “Nɔ́ nɛ nyɛ na nɛ i pee nɛ ɔ, nyɛ he nɛ sɔ, nɛ nyɛ hu nyɛɛ pee ja nɔuu.”