La 68:12 - BAIBLO ALOO NGMAMI KLƆUKLƆU Ɔ

¹² “Matsɛmɛ ɔmɛ, kɛ a tabo ɔmɛ tu fo oo! A tu fo kɛ je ta a nya oo!” Yihi nɛ a si ngɛ se ɔ dla ta yibu ní ɔ ha a he.

La 68:12 ပူးပေါင်းရင်းမြစ်များ

Mose II, 14:25

Yawɛ ha nɛ Egipt bi ɔmɛ a ta zugba lɛ ɔmɛ a nanehi pu zu, nɛ a nyɛɛmi pee dengme. Egipt bi ɔmɛ a nya hé gbi nɛ a de ke, “Nyɛ ha waa tu fo ngɛ Israel bi ɔmɛ a nya; ejakaa Yawɛ piɛ a he nɛ e kɛ wɔ Egipt bi ɔmɛ ngɛ fiae.”

Mose IV, 31:27

Dla ta yibu ní ɔmɛ a mi fiee enyɔ; ngɔɔ fa kɛ ha tabo ɔmɛ nɛ ya hwu ta a, nɛ o ngɔ fa hu kɛ ha ma kpekpemi ɔ tsuo.

Mose IV, 31:54

Mose kɛ osɔfo Eleazar he sika tsu ɔ ngɛ asafoatsɛmɛ ɔmɛ nɛ a ngɛ nihi akpehi, kɛ lafahi a nya a a dɛ; nɛ a ngɔ kɛ ba kpe he bo tsu ɔ mi kaa Israel ma a kaimi nɔ́ ko ngɛ Yawɛ hɛ mi.

Yoshua 10:16

Matsɛmɛ enuɔ nɛ ɔmɛ ma fo nɛ a ya laa a he ngɛ Makeda tɛ puɔ ɔ mi.

Yoshua 10:42

Yoshua ye matsɛmɛ nɛ ɔmɛ kɛ a zugba amɛ tsuo a nɔ ngɛ ta nɛ e gba si kake too ɔ mi; ejakaa Yawɛ, Israel Mawu ɔ hwu ta ha Israel.

Kpojemi 6:15

Kɛkɛ nɛ je nɛ ɔ mi matsɛmɛ ɔmɛ, nɔ yeli ɔmɛ, asafoatsɛmɛ ɔmɛ, niatsɛmɛ, nihi nɛ hɛɛ biɛ, odehehi, nyɔguɛhi, kɛ nɔ tsuaa nɔ ya laa a he ngɛ tɛ puɔhi a mi, kɛ tɛ sahi a sisi ngɛ yo ɔmɛ a nɔ.

Manyadali 5:19

Matsɛmɛ ɔmɛ ba Taanak ba hwu ta ngɛ Megido pa a nya; Kanaan matsɛmɛ ɔmɛ ba hwu ta, se a nɛ sika hiɔ nɔ́ ko nɛ a ha.

Manyadali 5:30

“Anɛ pi ní nɛ a ngɛ hae ngɛ gbae lo? Nyumu tsuaa nyumu nɔ́ ji zangmayo kake, loo enyɔ. Sisera lɛɛ e ma na bohi nɛ a ngɔ tsopa kɛ fi; bohi nɛ a lo ní kɛ wo mi. E maa ngɔ bo ɔ kpo enyɔ ba ha mi nɛ ma kɛ ha ye kuɛ mi!”

Samuel I, 30:24

Mɛnɔ maa kplɛɛ nɔ́ nɛ nyɛ de nɛ ɔ nɔ? Bɔ nɛ ta yalɔ ko ma na a, ja nɔuu nɔ nɛ buu ní ɔmɛ a he ɔ ma na; mɛ tsuo a ma na sɔsɔɛ.”