La 68:10 - BAIBLO ALOO NGMAMI KLƆUKLƆU Ɔ

¹⁰ O ha o ni ɔmɛ po ma ngɛ zugba a nɔ. Mawu, mɔbɔ nalɔ, o haa nɔ́ nali a hiami níhi.

La 68:10 ပူးပေါင်းရင်းမြစ်များ

La 74:19

Koo ngmɛɛ o ma nɛ a ní ngɛ mɔbɔ ɔ he kɛ ha a he nyɛli yiwutsotsɛmɛ ɔmɛ. O ma nɛ a ngɛ yi mi wae ɔ, o hɛ ko je a nɔ.

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

1 Petro 5:3

Nihi nɛ Mawu ngɔ ha nyɛ ke nyɛɛ hyɛ a nɔ ɔ, nyɛ ko ye a nɔ; se mohu nyɛɛ ngɔ nyɛ he ngɔ pee nɔ hyɛmi nɔ́ ha Mawu asafo ɔ.

Luka 1:53

E ha hwɔ hwɔli ní kpakpahi nɛ a ye, nɛ a tɔ; se niatsɛmɛ lɛɛ e fie mɛ kɛ ho kɛ a dɛ gu.

La 78:20

Niinɛ, e fia tɛ sa a nɔ́ nɛ nyu je mi kɛ be babaaba kaa pa nɛ hia. Se anɛ e ma nyɛ ma ha e ma a abolo, kɛ lo hu lo?”

La 65:9

O slaa zugba a, o haa lɛ nyu, nɛ e baa ní babauu. Ke o ha pa a hyi kikɛ nɛ ɔ, ngmɔ ɔmɛ baa ní saminya. Bɔ nɛ o peeɔ lɛ ha ji nɛ ɔ nɛ.

Samuel I, 2:8

E woɔ ohiatsɛmɛ a nɔ kɛ jeɔ tabo zu mi, nɛ e jeɔ ni nɛmɛ nɛ e fi mɛ kɛ jeɔ a haomihi a mi. E haa a kɛ ganɔhi hii si, nɛ e kɛ mɛ toɔ hɛ mi nyami blɔ hehi. Yawɛ níhi ji je ɔ titima amɛ; a nɔ nɛ e fia je ɔ kɛ fɔ.

Mose V, 26:5

Mo de ngɛ Yawɛ hɛ mi ke, ‘Aram no si kpalɔ ji ye nɛ̃. E kɛ nihi bɔɔ pɛ nɛ ho Egipt ya; e ya to nubwɔ ngɛ lejɛ ɔ, se a ba pee ma agbo nɛ he wa saminya.

Mose IV, 16:3

A kpe kɛ wo Mose kɛ Aaron a he, nɛ a de mɛ ke, “Nyɛ ngɛ nɔ́ ko pee tsɔ. Ma kpekpemi nɛ ɔ tsuo pɛpɛɛpɛ nimli klɔuklɔuhi ji mɛ; nɛ Yawɛ ngɛ a kpɛti. Mɛni he je mɔ nɛ nyɛ ngɛ nyɛ he nɔ woe ngɛ Yawɛ ma kpekpemi ɔ nɔ ɔ?”

Matsɛmɛ I, 8:36

moo bu mɛ tue ngɛ hiɔwe. Ngɔɔ matsɛ ɔ, kɛ Israel ma a a he yayami ɔ ngɔ pa mɛ. Tsɔɔ mɛ nɛ a pee nɔ́ nɛ da. Lɔ ɔ se ɔ, Yawɛ, ha nɛ hiɔmi nɛ nɛ ngɛ o zugba a nɛ o ngɔ kɛ ha o ma a kaa a weto ní kɛ yaa neneene ɔ nɔ.

La 65:10

O haa hiɔmi nɛɛ babauu kɛ pueɔ ngmɔ ɔmɛ nɛ a hu ɔ mi. Ngmɔ ɔmɛ tsuo a mi hyiɔ kɛ nyu ɔ. Zu ɔ mi jɔɔ ha ní ɔmɛ nɛ a du ɔ, nɛ o haa ní ɔmɛ baa saminya.

La 65:11

O ha ní kpakpahi babauu baa ngɛ jeha a mi. He tsuaa he nɛ o be ngɛ ɔ kɛkɛ ní ba babauu.

Yesaya 40:29

Ni nɛmɛ nɛ gbɔjɔ, nɛ pɔ tɔ mɛ ɔ, e haa mɛ he wami.