La 68:1 - BAIBLO ALOO NGMAMI KLƆUKLƆU Ɔ

¹ Mawu nɛ te si koo! Á gbɛ e he nyɛli ɔmɛ ngɔ fĩa koo! Nihi nɛ sume lɛ ɔ, ha nɛ a tu fo ngɛ e nya.

La 68:1 ပူးပေါင်းရင်းမြစ်များ

Kronika II, 6:41

Yawɛ Mawu, jehanɛ lɛɛ moo te si nɛ o ba sɛ o we ɔ mi, he nɛ somi daka a nɛ tsɔɔ o he wami ɔ ngɛ ɔ. Moo gbaa o we osɔfo ɔmɛ kɛ yi wami hemi, konɛ nihi nɛ yeɔ mo anɔkuale ɔ nɛ a na bua jɔmi ngɛ ní kpakpahi nɛ o peeɔ kɛ haa mɛ ɔ a he.

La 21:8

Matsɛ, o nine maa su o he nyɛli ɔmɛ tsuo a nɔ. Nihi tsuo nɛ sume mo ɔ, o nine maa su a nɔ.

La 44:26

Nyɔmtsɛ, tee si nɛ o ba piɛ wa he; ba nɛ o ba he wa yi wami. Ejakaa o mɔbɔ nami ɔ ngɛ daa.

La 59:11

Nyɔmtsɛ, wa yi baalɔ, koo gbe mɛ; ke o pee ja a, e be kɛe nɛ ye ma a hɛ maa je nɔ, a hɛ maa je nɔ́ nɛ o pee nɛ ɔ nɔ. Ngɔɔ o he wami ɔ kɛ ha nɛ a didaa, nɛ o ngɔ mɛ kɛ fiaa si.

La 68:14

Benɛ Mawu Ope ɔ gbɛ matsɛmɛ ɔmɛ ngɔ fĩa a, e pee kaa nɔ́ nɛ snoo ngɛ nɛe ngɛ Zalmon yo ɔ nɔ.

La 68:30

Egipt, lohwe dikalɔ nɛ hii gla mi ɔ, ka e hɛ mi; je ma amɛ, na kuhi, kɛ a na bihi tsuo, ka a hɛ mi hluu kɛ yaa si mɛ tsuo a ma ba kpla si, nɛ a maa ngɔ a sika kɛ ba ha mo. Mahi nɛ ta pɛ a suɔ ɔ, gbɛɛ mɛ ngɔ fĩa.

La 89:10

Rahab, wo mi lohwe ɔ nɛ he ngɛ gbeye ɔ, mo lɛ o kpata e hɛ mi pɛsɛpɛsɛ. O kɛ o he wami kpetekpleenyɛ ɔ ye o he nyɛli ɔmɛ a nɔ kunimi.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Yesaya 33:3

Ke o hia ta, nɛ o wo gbi kaa hiɔmi simi kikɛ ɔ, je ma amɛ gbɛɛ fĩaa kɛ fo.

Ezekiel 5:2

Ke a sa ma a yi se ɔ, ngɔɔ la kɛ sã bwɔmi ɔ mi dlami etɛ mi kake ngɛ ma a kpɛti. Mi dlami etɛ ɔ mi kake hu ngɔɔ klaate ɔ kɛ poo mi kɛ bɔle ma a kɛ kpe. Mi dlami etɛ ɔ mi kake nɛ maa piɛ ɔ, ngɔɔ kɛ fĩa kɔɔhiɔ mi; kɛkɛ ɔ, ma hia klaate ɔ kɛ nyɛɛ a se.

Daniel 2:35

Amlɔ ɔ, dade ɔ, zu ɔ, akɔblee ɔ, sika hiɔ ɔ, kɛ sika tsu ɔ tsuo ywia wɔtsɔwɔtsɔ, nɛ a pee kaa bunyuku nɛ pueɔ si ngɛ ngma mi sami he ngɛ latsa be mi. Kɛkɛ nɛ kɔɔhiɔ ba muɔ mɛ kɛ je, nɛ a nɛ mɛ ngɛ he ko he ko hu. Se tɛ ɔ nɛ ba fia amaga a lɛɛ e ba pee yo agbo nɛ ha je ɔ mi tsuo.

Mose IV, 10:35

Be tsuaa be nɛ somi daka a maa hia a, Mose ma de ke, “Yawɛ, tee si! Gbɛɛ o he nyɛli ɔmɛ ngɔ fĩa; nɛ o ha ni nɛmɛ nɛ sume mo ɔ nɛ a tu fo ngɛ o hɛ mi!”

Mose V, 7:10

se ni nɛmɛ nɛ sume lɛ ɔ, e maa gbla a tue amlɔ.