La 67:4 - BAIBLO ALOO NGMAMI KLƆUKLƆU Ɔ

⁴ Ha nɛ je ma amɛ a bua nɛ jɔ nɛ a la kɛ bua jɔmi, ejakaa o kojoɔ je ma amɛ pɛpɛɛpɛ nɛ nɔ hɛ mi hyɛmi be mi. Mo lɛ o tsɔɔ ma amɛ tsuo blɔ ngɛ je ɔ mi.

La 67:4 ပူးပေါင်းရင်းမြစ်များ

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

La 2:8

Bi mi, nɛ ma ha mo je ma amɛ tsuo; zugba a tsuo ma ba pee o weto ní.

La 82:6

I ke, ‘Mawuhi ji nyɛ; nyɛ tsuo Hiɔwe No ɔ bimɛ ji nyɛ.’

La 9:8

Nɛ e kɛ anɔkuale, kɛ dami sane yemi maa kojo je ɔ, kɛ e mi nimli ɔmɛ.

La 96:10

Nyɛ de je ma amɛ tsuo ke, “Yawɛ ngɛ matsɛ yee! A ngɔ je ɔ ngɔ ma si ngɛ e hi he, nɛ nɔ ko be nyɛe ma mimiɛ lɛ. E maa kojo je ma amɛ ngɛ dami nya.”

La 98:9

ejakaa e ma nɛ e ba kojo je ɔ. Yawɛ maa kojo je ɔ ngɛ dami, kɛ anɔkuale nya.

Yesaya 54:1

Yerusalem, jinɛ o ngɛ kaa yosa, se jehanɛ lɛɛ o ma nyɛ ma la nɛ o ma hwɔ lele. Jehanɛ lɛɛ o ma fɔ bimɛ babauu pe yo nɛ e kɛ e huno ngɛ tsu nya daa!

Yesaya 55:4

I wo lɛ je ma amɛ a nyatsɛ, kɛ asafoatsɛngua, nɛ e nɔ i gu kɛ je ye he wami kpo.

Yesaya 60:6

Afukpɔngɔhi babauu ma ba bua a he nya ngɛ o ngɔ; a maa je Midian kɛ Efa. Sheba bi ɔmɛ maa ngɔ sika tsu, kɛ tsopa kɛ e he via kɛ ba, nɛ mɛ tsuo a ma ba je Yawɛ yi ngɛ ní kpakpahi nɛ e pee ha mɛ ɔ he!

Ni Tsumi 17:31

Ejakaa e to be pɔtɛɛ ko, nɛ e hla nɔ ko nɛ e maa gu e nɔ kɛ kojo je ɔ tsuo ngɛ dami sane yemi nya, ejakaa e tle jamɛ a nɔmlɔ ɔ si kɛ je gbeje kɛ ma enɛ ɔ nɔ mi.”

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Galatabi 4:27

Ejakaa ngmami ɔ de ke, “Mo yosa nɛ o fɔ we, mo nya! Mo nɛ o nui kɔɔmi hyɛ, hwɔ lele, nɛ o nya! Ejakaa yo nɛ e huno kua lɛ ɔ mohu e bimɛ hiɛ pe yogbayo nɛ ngɛ gba we daa a bimɛ.”

Mose V, 32:43

“Je mahi lee, nyɛ je Yawɛ ma a yi; nihi tsuo nɛ gbee e ma a, Yawɛ gblaa a tue. E yeɔ lue ngɛ e he nyɛli ɔmɛ a nɔ, nɛ e kɛ e ma a he yayami paa mɛ.”