La 67:2 - BAIBLO ALOO NGMAMI KLƆUKLƆU Ɔ

² konɛ je ɔ nɛ le o suɔmi nya ní, nɛ je ma amɛ tsuo nɛ a yo o he wami nɛ o kɛ heɔ yi wami ɔ.

La 67:2 ပူးပေါင်းရင်းမြစ်များ

Tito 2:11

Ejakaa Mawu je e dloomi ɔ nɛ e kɛ ma he adesahi tsuo a yi wami ɔ kpo ngɔ tsɔɔ.

Ni Tsumi 18:25

A tsɔɔ nyumu nɛ ɔ Nyɔmtsɛ ɔ blɔ ɔ, nɛ e kɛ kã, kɛ mumi nɛ nya wa fiɛ Mawu munyu ɔ; nɛ e tsɔɔ Yesu he ní fitsofitso. Pohu Yohane nɔ sɔlemi ɔ pɛ nɛ e le.

Luka 3:6

Kɛkɛ ɔ, nihi tsuo maa na Mawu yi wami hemi ɔ!’ ”

Yesaya 52:10

Yawɛ ma je e he wami klɔuklɔu ɔ kpo; e ma he e ma a yi wami, nɛ je ɔ tsuo maa na.

La 43:5

Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ! Ma je e yi ekohu. Lɛ ji ye kpɔlɔ; lɛ ji ye Mawu.

Ni Tsumi 13:10

nɛ e de ke, “Abosiami nitsɛnitsɛ ji mo! Nɔ́ kpakpa tsuaa nɔ́ kpakpa he nyɛlɔ! Ní yayamihi pɛ a he o susuu! Be tsuaa be ɔ, o bɔɔ mɔde kaa o ma tsake Nyɔmtsɛ ɔ anɔkuale munyu ɔ hɛ mi kɛ pee lakpa!

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

La 117:2

Ejakaa suɔmi nɛ Yawɛ kɛ suɔ wɔ ɔ, suɔmi ɔ kle, nɛ e yeɔ anɔkuale daa. A je Yawɛ yi!

Ni Tsumi 22:4

Nihi nɛ hɛɛ kikɛmɛ a tsɔɔmi nɛ ɔ mi ɔ, i wa mɛ yi mi, nɛ ni komɛ po gbo ngɛ mi. I nuɔ nyumuhi kɛ yihi tete kɛ ya woɔ tsu.

Ni Tsumi 9:31

Bɔ nɛ pee nɛ asafo ɔmɛ nɛ ngɛ Yudea, Galilea, kɛ Samaria tsuo na tue mi jɔmi ji nɛ ɔ nɛ. Nyɔmtsɛ ɔ gbeye yemi ngɛ asafo ɔmɛ a mi. Enɛ ɔ he je ɔ, Mumi Klɔuklɔu ɔ wo asafo ɔmɛ he wami, nɛ a ya nɔ, nɛ nihi babauu ba piɛ a he.

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,

La 4:7

Se imi lɛɛ o ha mi bua jɔmi babauu. Ke nimli nɛ ɔmɛ a blɛfo kɛ wai ba saminya po, a na we bua jɔmi kaa imi.

La 41:5

Ye he nyɛli ɔmɛ tuɔ ye he munyu yaya. A deɔ ke, “Mɛni be po e ma gbo nɛ e biɛ maa laa?”

Daniel 9:17

Wa Mawu lee, moo bu ye sɔlemi kɛ pɛɛ kpami ɔ tue. O we ɔ nɛ a kpata hɛ mi, nɛ e pee we doku ɔ, to lɛ sisi ekohu, konɛ nɔ tsuaa nɔ nɛ e na kaa Mawu ji mo.