La 66:4 - BAIBLO ALOO NGMAMI KLƆUKLƆU Ɔ

⁴ Nihi tsuo nɛ ngɛ je ɔ mi jaa mo, a laa kɛ jeɔ o yi, a jeɔ o biɛ ɔ yi!”

La 66:4 ပူးပေါင်းရင်းမြစ်များ

La 22:27

Je mahi tsuo ma kai Yawɛ; a maa je he tsuaa he kɛ ba e ngɔ ba ja lɛ.

La 117:1

Nyɛ je mahi tsuo, nyɛ je Yawɛ yi. Nyɛ je ɔ mi nihi tsuo, nyɛ je e yi.

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Daniel 7:14

A ngɔ he wami, hɛ mi nyami, kɛ matsɛ yemi ngɔ wo e dɛ, konɛ je ma amɛ, kɛ nihi nɛ tuɔ gbi slɔɔtoslɔɔto ɔmɛ nɛ a sɔmɔ lɛ. E he wami ɔ maa hi si kɛ maa ya neneene, nɛ e matsɛ yemi ɔ se be poe gblegbleegble.

Yesaya 11:9

Nɔ ko nɔ ko be e nyɛmi awi yee ngɛ ye yo klɔuklɔu ɔ nɔ, nɛ nɔ ko nɔ ko be e nyɛmi hɛ mi kpatae. Ejakaa zugba a tsuo maa le Yawɛ kaa bɔ nɛ wo hyi tɔ kɛ nyu ɔ.

La 65:5

O pee ní gbeyegbeyehi kɛ he wa yi wami. Niinɛ, Mawu, mo ji wa yi wami helɔ. Nihi tsuo nɛ ngɛ je ɔ mi he tsuaa he, zugba a nyagbe he ɔmɛ, kɛ wo se tsitsaa lokoo ɔ tsuo, mo o nɔ a ngɔ a hɛ kɛ fɔ.