La 66:3 - BAIBLO ALOO NGMAMI KLƆUKLƆU Ɔ

³ Nyɛ de Mawu ke, “Bɔ nɛ o peeɔ níhi ɔ ngɛ gbeye loo! O he wami kpetekpleenyɛ ɔ nya a, o he nyɛli ɔmɛ ba a he si ha mo.

La 66:3 ပူးပေါင်းရင်းမြစ်များ

La 18:44

Nibwɔhi ma ba kpla si ha mi; ke a nu ye he pɛ a maa bu mi tue.

La 18:45

Nibwɔ ɔmɛ a tsui maa po, nɛ a kɛ he domi maa je a mɔ nguangua amɛ a mi kɛ ba.

La 47:2

Yawɛ, nɔ nɛ ngɛ hiɔwe lokoo ɔ he ngɛ gbeye. Matsɛ kpetekpleenyɛ nɛ yeɔ je ɔ tsuo nɔ ji lɛ.

La 65:5

O pee ní gbeyegbeyehi kɛ he wa yi wami. Niinɛ, Mawu, mo ji wa yi wami helɔ. Nihi tsuo nɛ ngɛ je ɔ mi he tsuaa he, zugba a nyagbe he ɔmɛ, kɛ wo se tsitsaa lokoo ɔ tsuo, mo o nɔ a ngɔ a hɛ kɛ fɔ.

La 68:30

Egipt, lohwe dikalɔ nɛ hii gla mi ɔ, ka e hɛ mi; je ma amɛ, na kuhi, kɛ a na bihi tsuo, ka a hɛ mi hluu kɛ yaa si mɛ tsuo a ma ba kpla si, nɛ a maa ngɔ a sika kɛ ba ha mo. Mahi nɛ ta pɛ a suɔ ɔ, gbɛɛ mɛ ngɔ fĩa.

La 76:12

Ganɔhi nɛ woɔ a he nɔ ɔ, e baa mɛ si; e woɔ matsɛmɛ nguanguahi hu a he gbeye.

La 81:15

Jinɛ ni nɛmɛ nɛ sume imi, Yawɛ ɔ, a kpla si ngɛ ye hɛ mi, nɛ a ngɛ a tue gblae kɛ yaa neneene.

Mose II, 15:21

Nɛ Miriam la ha mɛ ke, “Nyɛ la kɛ je Yawɛ yi, ejakaa e ye kunimi nguaa. E tsɛ̃ okpɔngɔ kɛ e nɔ hilɔ ɔ kɛ wo wo ɔ mi bum!”

Yesaya 2:19

Nihi ma ya laa a he ngɛ tɛ puɔhi a mi ngɛ yo ɔmɛ a nɔ, aloo a maa tsua muɔhi, konɛ a laa a he ngɛ mi kɛ je Yawɛ we abofu nɛ he wa a, kɛ e hɛ mi nyami ɔ nya, ke e ba nɛ e ba mimiɛ zugba a.

Yesaya 25:3

Mahi nɛ a he wa saminya a ma je o yi; Yiwutsotsɛmɛ ngɛ a ma amɛ a mi tsuo maa ye mo gbeye.

Yesaya 40:26

Nyɛ wo nyɛ yi nɔ nɛ nyɛɛ hyɛ hiɔwe! Mɛnɔ lɛ bɔ dodoe ɔmɛ nɛ nyɛ ngɛ hyɛe ɔ? Nɔ nɛ jeɔ mɛ kpo kaa ta buli babauu, nɛ e kɛ eko tsuaa eko biɛ tsɛɔ lɛ ɔ! E he wami, kɛ nyɛmi kpetekpleenyɛ ɔ nya a, kake ngmelu po laa we.

Yesaya 64:3

Blema, benɛ o pee nyakpɛ níhi nɛ wa hyɛ we blɔ ɔ, o kple si kɛ ba; yo ɔmɛ mimiɛ ngɛ o hɛ mi!

Yeremia 10:10

Se mo Yawɛ, Mawu nitsɛnitsɛ ji mo; mo ji Mawu hɛ kalɔ ɔ nɛ; neneene matsɛ ji mo. Ke o mi mi fu ɔ, zugba mimiɛɔ, nɛ je ma amɛ nyɛ we nya dami.