La 66:16 - BAIBLO ALOO NGMAMI KLƆUKLƆU Ɔ

¹⁶ Nyɛ nihi tsuo nɛ yee Mawu gbeye, nyɛɛ ba nɛ nyɛ ba bu tue, nɛ ma gba nyɛ nɔ́ nɛ e pee ha mi.

La 66:16 ပူးပေါင်းရင်းမြစ်များ

La 34:11

Ye bimɛ, nyɛɛ ba nɛ nyɛ ba bu mi tue, nɛ ma tsɔɔ nyɛ nɛ nyɛɛ ye Yawɛ gbeye.

La 34:2

Ma fĩa kɛ fɔ Yawɛ nɔ; nɔ́ nali maa nu he, nɛ a ma nya.

La 66:5

Nyɛɛ ba, nyɛ ba hyɛ níhi nɛ Mawu pee, nyakpɛ níhi nɛ e tsu kɛ ha nimli adesahi.

La 71:15

Ligbi mluku ɔ tsuo ma wo o ta kaa o yeɔ dami sane; ma de daa ke yi wami helɔ ji mo. Pohu níhi nɛ o peeɔ ɔ hiɛ babauu pe bɔ nɛ ye juɛmi maa su he hulɔ.

La 71:18

Lɔ ɔ he ɔ, amlɔ nɛ ɔ nɛ i bwɔ, nɛ ye yi mi hiɛ futaa kɛ mua a, Mawu, ko kua mi! O kɛ mi nɛ hi si kɛ yaa si ma sɛɛ nyakpɛ ní nguanguahi nɛ o tsu ɔ kɛ ha yi nɔhi nɛ maa ba ngɛ se ɔ.

La 71:20

Mo lɛ o ha nɛ i na amanehlu babauu, mo nɔuu lɛ o ma ha ye yi ma na wami ekohu. O maa kpale mi kɛ je gbeje kɛ ba je mi ekohu.

La 71:24

Ma ye odase daa ke o yeɔ dami sane. Ejakaa nihi nɛ hlaa kaa a maa gbe mi ɔ, zo gbe mɛ, nɛ ahlua hu bɔ mɛ.

Yeremia 51:10

Yawɛ ke, “Ye ma, nyɛ he ose, nɛ nyɛ de ke, ‘Yawɛ wo wɔ nguɔ! Nyɛ ha nɛ waa ya Yerusalem, nɛ wa ya bɔ ma a nɔ́ nɛ Yawɛ, wa Mawu ɔ pee.’ ”

Malaki 3:16

Kɛkɛ nɛ nihi nɛ yeɔ Yawɛ gbeye ɔ kɛ a sibi tu munyu, nɛ Yawɛ bu tue nɛ e nu nɔ́ nɛ a ngɛ dee ɔ. Ngɛ e hɛ mi ɔ, a ngma nihi tsuo nɛ a yeɔ Yawɛ gbeye, nɛ a buɔ lɛ ɔ a biɛ.

1 Yohane 1:3

Nɔ́ nɛ wa na, kɛ nɔ́ nɛ wa nu ɔ, lɔ ɔ wa ngɛ fiɛe kɛ ngɛ nyɛ hae. Wa ngɛ enɛ ɔ pee, konɛ nyɛ ba piɛ wa he, nɛ waa kɛ Tsɛ ɔ, kɛ e Bi Yesu Kristo ɔ nɛ bɔ huɛ.