La 65:10 - BAIBLO ALOO NGMAMI KLƆUKLƆU Ɔ

¹⁰ O haa hiɔmi nɛɛ babauu kɛ pueɔ ngmɔ ɔmɛ nɛ a hu ɔ mi. Ngmɔ ɔmɛ tsuo a mi hyiɔ kɛ nyu ɔ. Zu ɔ mi jɔɔ ha ní ɔmɛ nɛ a du ɔ, nɛ o haa ní ɔmɛ baa saminya.

La 65:10 ပူးပေါင်းရင်းမြစ်များ

La 147:8

Lɛ nɛ e ngɔɔ bɔku kɛ haa hiɔwe, nɛ e haa hiɔmi nɛɛ kɛ pueɔ zugba a nɔ, nɛ nga mumu puɛɔ ngɛ yo ɔmɛ a nɔ.

Mose V, 32:2

Ma tsɔɔ nyɛ ní kaa bɔ nɛ hiɔmi nɛɛ blɛuu kɛ pueɔ zugba nɔ nɛ e peeɔ kaa bɔ́ ɔ. Ma tu nyɛ munyu kaa bɔ nɛ hiɔmi fĩaa kɛ pueɔ tso bihi a nɔ, aloo kaa bɔ nɛ hiɔmi nɛɛ blɛuu kɛ pueɔ nga nɔ ɔ.

Mose III, 26:4

ma ha hiɔmi maa nɛ ngɛ e be mi; zugba a maa ba ní babauu, nɛ tso ɔmɛ maa wo yiblii.

Hiob 37:13

Mawu haa hiɔmi nɛɛ, konɛ nyu nɛ ba zugba a nɔ; e haa hiɔmi nɛɛ nɛ e kɛ gblaa nimli adesahi a tue, aloo nɛ e kɛ naa mɛ mɔbɔ.

La 68:10

O ha o ni ɔmɛ po ma ngɛ zugba a nɔ. Mawu, mɔbɔ nalɔ, o haa nɔ́ nali a hiami níhi.

La 104:13

O haa nɛ nyu nɛɛ kɛ jeɔ hiɔwe kɛ pueɔ yo ɔmɛ a nɔ; nɛ je ɔ mi hyi tɔ kɛ o gbaami sɔuu.