La 64:7 - BAIBLO ALOO NGMAMI KLƆUKLƆU Ɔ

⁷ Se Mawu ma tsɛ̃ mɛ e kɛ̃ɛ̃ ɔmɛ, nɛ e maa plaa mɛ tlukaa.

La 64:7 ပူးပေါင်းရင်းမြစ်များ

Matsɛmɛ I, 22:34

Se e ba mi kaa Siria ta buli ɔmɛ a ti nɔ kake tsɛ̃ e kɛ̃ɛ̃ ɔ tlukaa nɛ e hɛ be nɔ. Kɛ̃ɛ̃ mi bi ɔ ya gbɔ Ahab ngɛ e ta hwumi ní ɔmɛ a tsami he ɔ. Ahab de e ta zugba lɛ kudɔlɔ ɔ ke, “I plaa! Plɛ o he nɛ o kɛ mi nɛ je ta a nya!”

Hiob 6:4

Mawu Ope ɔ tsɛ̃ mi kɛ̃ɛ̃, nɛ duɔ ɔ ngɛ nyɛɛe ngɛ ye he womi mi tsuo. Mawu ní gbeyegbeye ɔmɛ gba ta kɛ wo mi.

La 18:14

Ee, e tsɛ̃ e kɛ̃ɛ̃ mi bi ɔmɛ, nɛ e he nyɛli ɔmɛ gbɛ fĩa. E ha nɛ oslabai gba, nɛ a pee basaa.

La 64:4

nɛ a kɛ tsɛ̃ɔ nɔ ko nɛ pee we yayami ko ngɛ diblii mi. A tsɛ̃ɔ lɛ tlukaa, nɛ a yi gbeye.

La 73:19

Ee, a hɛ mi ma kpata si kake too; a nyagbe maa pee gbeye.

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Abɛ Womi 6:15

Enɛ ɔ he je ɔ, haomi maa ba e nɔ tlukaa. Be mi nɛ e li e he be ɔ, e hɛ mi ma kpata pɛsɛpɛsɛ.

Fiɛlɔ 9:3

Níhi nɛ dɛ ngɛ je nɛ ɔ mi ɔ, a kpɛti kake ji kaa haomi baa nihi tsuo a nɔ fiee nɛ slɔɔto be mi; dali jio, yayami peeli jio. Daa nɛ ɔ, yayami kɛ godo hyi nimli adesahi a tsui mi ngɛ je ɔ mi. Kɛkɛ a gbo tlukaa.

Yesaya 30:13

Lɔ ɔ he ɔ, nyɛ yeɔ fɔ. Nyɛ ngɛ kaa gbogbo gojoo ko nɛ e mi gba kɛ je e yi mi kɛ ba ma si, nɛ kpa kasa, nɛ miɔ nɛ e ku kɛ pue si; tlukaa ngɛ hɛngmɛfia mi ɔ, e maa ku kɛ pue si bum!

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Mateo 24:40

Jamɛ a be ɔ mi ɔ, nyumuhi enyɔ maa hi ní tsue ngɛ ngmɔ si, nɛ a ma ba ngɔ nɔ kake, nɛ a ma si nɔ kake.

Mose V, 32:23

“ ‘Ma ha haomihi maa ba a nɔ nɔtonɔto; ma tsɛ̃ mɛ ye kɛ̃ɛ̃ ɔmɛ tsuo.

Mose V, 32:42

Muɔ ma tsle ngɛ ye kɛ̃ɛ̃ mi bi ɔmɛ a he kɛ pue si; nɛ ye klaate ɔ maa gbe nihi nɛ teɔ si woɔ mi ɔ. Nihi nɛ kɛ mi na ta a, a ti nɔ ko nɔ ko be e he yee; nihi nɛ plaa, kɛ nihi nɛ a nuu ngɛ ta mi po, ma gbe mɛ!’