La 64:6 - BAIBLO ALOO NGMAMI KLƆUKLƆU Ɔ

⁶ A toɔ ga, konɛ a kɛ pee nɔ yayami, nɛ a deɔ ke, “Mɛnɔ ma nyɛ ma kpa wa ga nɛ ɔ si? Wa gbe nya! Wa to ga nɛ nɔ be!” Nɔmlɔ adesa yi mi, kɛ e tsui mi kuɔ!

La 64:6 ပူးပေါင်းရင်းမြစ်များ

Mateo 26:59

Osɔfo nikɔtɔma amɛ, kɛ kpe ngua a tsuo hla kaa a maa na lakpa odase ko ngɛ Yesu he, konɛ a gbe lɛ;

La 5:9

Ejakaa ye he nyɛli ɔmɛ tu we anɔkuale; yayami hyi a tsui mi tɔ. A tuɔ munyu dɔkɔdɔkɔ, se lɛ tsuo kɛ gbenɔ ba a.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Yesaya 29:15

Musu tloo nihi nɛ hlaa kaa a maa ngɔ ga nɛ a to ngɛ a yi mi ɔ kɛ laa Yawɛ. A toɔ a ga amɛ ngɛ laami mi, nɛ a susuu kaa nɔ ko nɔ ko be mɛ nae, nɛ nɔ́ nɛ a ngɛ pee ɔ hu nɔ ko nɔ ko be lee.

Abɛ Womi 20:5

Juɛmi nɛ ngɛ nɔmlɔ adesa yi mi ɔ, e mi kuɔ kaa nyu ngɛ vu mi tsitsaa lokoo. Se ní lelɔ jeɔ juɛmi nɛ ɔ kpo ngɛ be nɛ sa mi.

La 35:11

Lakpa odasehi teɔ si kɛ woɔ mi; a poɔ ye nya, nɛ a deɔ níhi nɛ i li he nɔ́ ko kɛ siɔ mi.

Samuel I, 25:10

Se Nabal he nɔ nɛ e de David tsɔli ɔmɛ ke, “Mɛnɔ ji jamɛ a David ɔ? Nɛ mɛnɔ hu ji Ishai binyumu nɛ ɔ? Ligbi etɛ nɛ ɔ mi ɔ, tsɔli nɛ tsɔ a nyɔmtsɛmɛ a hɛ mi atuã ba ngɛ hiɛe tsɔ.

Samuel I, 24:9

David de Saul ke, “Mɛni he je nɛ nihi ngɛ mo dee ke i ngɛ hlae ma ye mo awi, nɛ o ngɛ mɛ tue bue ɔ?

La 49:11

A susuɔ kaa a we ɔmɛ, kɛ a zugba amɛ maa hi si daa; nɛ a kɛ a biɛhi woɔ zugba amɛ, se gbeje mohu ya peeɔ a hi he kɛ yaa yi nɔhi tsuo.

Samuel I, 22:9

Kɛkɛ nɛ Doeg, Edom no ɔ nɛ lɛ hu e daa si ngɛ Saul tsɔli ɔmɛ a kasa nya a, he nɔ nɛ e de ke, “I na Ishai binyumu ɔ benɛ e ba Ahitub binyumu Ahimelek ngɔ ngɛ Nob.

Yohane 19:7

Yuda bi ɔmɛ he nɔ ke, “Wɔɔ lɛɛ wa ngɛ mlaa, nɛ wa mlaa a nya a, e sa gbenɔ, ejakaa e pee e he Mawu Bi.”

Mose I, 39:15

Benɛ e nu nɛ i ngɛ bubuubui ɔ kpae ɔ, e tu fo kɛ je kpo, nɛ e je e tade ɔ he.”

La 10:11

Nɔ́ nɛ yiwutsotsɛ nɛ ɔ deɔ ngɛ e yi mi ji, “Oo, Mawu hɛ je nɔ; Mawu má e hɛngmɛ; e hyɛ we mi tete po!”