La 64:5 - BAIBLO ALOO NGMAMI KLƆUKLƆU Ɔ

⁵ A peeɔ yi wu tso ní nɛ ɔmɛ ngɛ laami mi; a tsɔɔ klamahi babauu; a woɔ a sibi he wami, nɛ a deɔ ke, “Mɛnɔ maa na wɔ?”

La 64:5 ပူးပေါင်းရင်းမြစ်များ

La 140:5

He nɔ woli tsɔ klamahi ngɛ blɔ ɔmɛ a tue. A tsɔ mi klama, konɛ a du mi.

La 10:11

Nɔ́ nɛ yiwutsotsɛ nɛ ɔ deɔ ngɛ e yi mi ji, “Oo, Mawu hɛ je nɔ; Mawu má e hɛngmɛ; e hyɛ we mi tete po!”

Ezekiel 8:12

Mawu bi mi ke, “Nɔmlɔ adesa, tse o na nɔ́ nɛ Israel ma nimeli ɔmɛ ngɛ pee ngɛ diblii mi! Tse o na nɔ́ nɛ nɔ tsuaa nɔ ngɛ tsue ngɛ lɛ nitsɛ e we amaga jami he. Se nɔ́ nɛ a ngɛ dee ji, ‘Yawɛ nɛ wɔ! Yawɛ si e zugba a ngɔ fɔ si.’ ”

La 94:7

Nɔ́ nɛ a deɔ ji, “Oo, Yawɛ tsa nɛ wɔ! Israel Mawu ɔ hyɛ we!”

La 59:7

Mɛ lɛ a ngɛ ngmlaa kpae hoo ngɛ lejɛ ɔ nɛ; a ngɛ huãe kɛ ngɛ pɛe ke, “Mɛnɔ maa nu wa he?”

Hiob 22:13

Se kɛ̃ ɔ, o biɔ ke, “Mawu ɔ, mɛni e le? Nɔ nɛ bɔku kpii ha e hɛ mi ɔ, kɛ e maa pee kɛ kojo wɔ kɛɛ?”

Yesaya 41:6

Nɔ tsuaa nɔ piɛɔ e nyɛmi ní tsulɔ he. A woɔ a sibi bua, nɛ a deɔ ke, ‘Na tsui!’

La 124:7

Wa je a dɛ mi kaa bɔ nɛ lohwe pɛlitsɛ jee ya mi; ya a gba, nɛ wa je mi slɔkee.

Mose IV, 22:6

Lɔ ɔ he ɔ, i kpa mo pɛɛ, ba nɛ o ba gbiɛ ma nɛ ɔ ha wɔ kaa, alini wa maa ye a nɔ, nɛ wa maa fie mɛ kɛ je zugba a nɔ lo; ejakaa a hiɛ pe wɔ. I le kaa ke o gbaa nɔ ko ɔ, kɛkɛ a gbaa lɛ; nɛ ke o gbiɛ nɔ ko ɔ, kɛkɛ a gbiɛ lɛ.”

Mose II, 15:9

He nyɛlɔ ɔ ke, ‘Ma nyɛɛ a se nɛ ma ya na mɛ; ma dla ta ní ɔmɛ ngɛ ye suɔmi nya. Ma hia ye ha a, nɛ ma kpata a hɛ mi.’

Kpojemi 11:10

Nihi tsuo ngɛ je nɛ ɔ mi ɔ ma nya kaa nimli enyɔ nɛ ɔmɛ gbo. A tsui maa nɔ a mi, nɛ a maa ke a sibi ní, ejakaa jamɛ a gbali enyɔ ɔmɛ ngɔ haomi babauu kɛ ba je ɔ mi.

Mateo 23:15

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ kuɔɔ wo, nɛ nyɛ kpaa zugbahi a nɔ kaa nyɛ maa na nɔ kake pɛ nɛ tsake pee Yuda no lo. Ke nyɛ na nɔ ko kaa ja a, nyɛ peeɔ lɛ nɔ nɛ sa Abosiami a je la a mi yami si enyɔ nɛ bla mohu pe nyɛ nitsɛmɛ po!

Mose I, 20:13

Lɔ ɔ he ɔ, benɛ Mawu je mi kɛ je ye weku li a he nɛ e ha nɛ i ba ngɛ lalaalo woe kɛ ngɛ nyɛɛe ɔ, i de ye yo ɔ ke, ‘Kpakpa nɛ o maa pee ha mi ji nɛ ɔ nɛ: he tsuaa he nɛ wa maa ya a, de ke o nyɛminyumu ji mi.’ ”

Manyadali 20:22

Kɛkɛ nɛ Israel bi ɔmɛ ho nɛ a ya wo yana ngɛ Yawɛ hɛ mi kɛ ya si gbɔkuɛ; nɛ a bi Yawɛ ke, “Anɛ waa ya nɛ waa kɛ wa nyɛmimɛ Benyamin bi ɔmɛ ya hwu ta ekohu lo?” Yawɛ he nɔ ke, “Ee, nyɛɛ ya nɛ nyɛɛ kɛ mɛ ya kpe!” Enɛ ɔ ha Israel bi ɔmɛ na he wami he. A wo za nɛ a gba ta ekohu ngɛ he nɛ a gba ta ngɛ kekleekle ligbi ɔ.