La 64:2 - BAIBLO ALOO NGMAMI KLƆUKLƆU Ɔ

² Yiwutsotsɛmɛ ngɛ ye yi nɔ soe. Kpɔ mi kɛ je yayami peeli babauu ɔ a dɛ mi.

La 64:2 ပူးပေါင်းရင်းမြစ်များ

La 143:9

Yawɛ, jé mi kɛ je ye he nyɛli ɔmɛ a dɛ mi. O ngɔ i ba sa we ngɛ.

La 59:2

Je mi kɛ je yiwutsotsɛmɛ a dɛ mi; ko ha nɛ muɔ si pueli a nine nɛ su ye nɔ.

Yeremia 11:19

I pee kaa jijɔ nɛ he jɔ, nɛ a kɛ lɛ yaa nɛ a ya gbe, nɛ i li kaa a ngɛ ye he ga yayami ko toe. Nɔ́ nɛ a ngɛ dee ji, “Nyɛ ha nɛ waa po tso ɔ kɛ e yiblii ɔ tsuo ngɔ fɔ he; nyɛ ha nɛ waa gbe lɛ, konɛ nɔ ko nɛ ko kai lɛ hu.”

La 31:20

O ngɔɔ mɛ kɛ laa ngɛ o laami he ɔ, konɛ nihi kó nyɛ nɛ a so a yi nɔ. O ngɔɔ mɛ kɛ toɔ o laami he ɔ, konɛ nihi kó na a he blɔ nɛ a fia mɛ lilɛ.

La 27:5

Haomi be mi ɔ, e maa ngɔ mi kɛ laa ngɛ laami he ɔ, ngɛ e we ɔ; e maa ngɔ mi kɛ da tɛ sa nɔ.

Yeremia 18:23

Se mo Yawɛ! Gahi tsuo nɛ a ngɛ toe kɛ ngɛ ye he woe konɛ a kɛ gbe mi ɔ, o le. Koo ngɔ a he kɛ ke mɛ, nɛ ko je o hɛ ngɛ a ní yayami ɔmɛ a he. Ha nɛ a nɔɔ si ngɛ o hɛ mi, nɛ o kɛ mɛ nɛ ye, be mi nɛ o mi mi fu.”

La 56:6

A buaa a he nya, nɛ a huɔɔ mi, kɛ ye ní peepee, konɛ a na ye he blɔ nɛ a gbe mi.

La 3:1

Yawɛ, hyɛ bɔ nɛ ye he nyɛli hiɛ ha! Hyɛ kaa nihi babauu te si kɛ wo mi!

Ni Tsumi 25:3

ke e hyɛ a hɛ mi, nɛ e tsɔ nɛ a ya ngɔ Paulo kɛ ba Yerusalem; mɛɛ lɛɛ a so e yi nɔ nɛ a maa gbe lɛ ngɛ blɔ ɔ nɔ.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

La 2:2

Zugba a nɔ matsɛmɛ ɔmɛ pee kake. Nɔ yeli ɔmɛ so ngɔ wo Yawɛ, kɛ matsɛ ɔ nɛ e hla a a he.

Mose I, 4:6

Kɛkɛ nɛ Yawɛ bi Kain ke, “Mɛni he je o mi mi fu nɛ o tu o hɛ mi kikɛ nɛ ɔ?

Yeremia 18:19

Lɔ ɔ he ɔ, i fa kue ha Yawɛ ke, “Yawɛ, i kpa mo pɛɛ nɛ o bu mi tue, nɛ nɔ́ nɛ ye he nyɛli ɔmɛ ngɛ dee ngɛ ye he ɔ, o nu.

Ni Tsumi 24:9

Yuda bi ɔmɛ hu fia Tertulo nɔ́ ɔ se pɛpɛɛpɛ kaa bɔ nɛ e de ɔ.