La 62:4 - BAIBLO ALOO NGMAMI KLƆUKLƆU Ɔ

⁴ E yi nɔ sɔuu a ngɛ soe, konɛ a gbla lɛ kɛ je e blɔ he nguaa a kɛ ba nɔ si. Munyu kpakpa jeɔ a nya, se a tsui mi hyi kɛ yayami sɔuu.

La 62:4 ပူးပေါင်းရင်းမြစ်များ

La 55:21

E tuɔ munyu dɔkɔbii, se ta mohu he e ngɛ susue. E munyuhi a he jɔ bɔdɔɔ pe nu po, se afani klaatehi nɛ a hia kɛ je kpo mi.

La 28:3

Koo bu mi fɔ kɛ si yiwutsotsɛmɛ, kɛ yayami peeli a nɔ. Nimli nɛ ɔmɛ, kɛ a nyɛmimɛ tuɔ munyu ngɛ he jɔmi mi. Se a tsui mi hyi kɛ yayami.

La 5:9

Ejakaa ye he nyɛli ɔmɛ tu we anɔkuale; yayami hyi a tsui mi tɔ. A tuɔ munyu dɔkɔdɔkɔ, se lɛ tsuo kɛ gbenɔ ba a.

Romabi 7:22

Ngɛ ye tsui mi ɔ, i suɔ Mawu mlaa a saminya.

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Romabi 1:32

A le kaa Mawu de ke nihi nɛ tsuɔ ní nɛ ɔmɛ ɔ, a sa gbenɔ, se kɛ̃ pi kaa mɛ nitsɛmɛ a peeɔ yayami nɛ ɔmɛ kɛkɛ, se mohu a jeɔ nihi nɛ peeɔ ní nɛ ɔmɛ ɔ a yi.

La 52:3

O suɔ yayami pe kpakpa, nɛ o suɔ lakpa munyu hu pe anɔkuale.

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

Luka 20:20

Lɔ ɔ he ɔ, a bɔni lɛ huɔmi. A ha ni komɛ sika, nɛ a tsɔ mɛ Yesu ngɔ. A bua pee a he kaa nihi nɛ ma lɛ munyu kɛkɛ bimi; se a juɛmi ji a yaa wo e nya tso kpɛ. Kɛkɛ ɔ, a maa ngɔ lɛ ngɔ ha Roma nikɔtɔma amɛ, konɛ a kojo lɛ, nɛ a gbe lɛ.

Luka 11:39

Lɔ ɔ he ɔ, Nyɔmtsɛ ɔ de lɛ ke, “Hyɛ, nyɛ Farisi bi, nyɛ fɔɔ nyɛ kplu kɛ kã he, se nyɛ mi lɛɛ e hyi tɔ kɛ ojo fiami, kɛ yi wu tso ní peemi.

Mateo 27:1

Benɛ je na a, osɔfo nikɔtɔma amɛ, kɛ ma nimeli ɔmɛ tsuo so Yesu yi nɔ, konɛ a gbe lɛ.

Mateo 22:23

Jamɛ a ligbi ɔ nɔuu ɔ, Saduki bi, nɛ mɛɛ a deɔ ke ni gbogboehi a si temi ko be ɔ ba Yesu ngɔ ba bi lɛ ke,

Mateo 22:15

Jehanɛ, Farisi bi ɔmɛ ho nɛ a ya so, bɔ nɛ a maa pee nɛ a ma na Yesu he blɔ kɛ gu lɛ nitsɛ e munyu tumi nɔ.

Mateo 2:16

Benɛ Herode na kaa ní leli ɔmɛ sisi lɛ ɔ, e mi mi fu wawɛɛ. E tsɔ nɛ a ya gbe jokuɛ nyumuwi tsuo nɛ ngɛ Betlehem, kɛ lejɛ ɔ ní ɔmɛ a mi; a gbe kɛ je muɔloku nɔ kɛ ya si ni nɛmɛ nɛ ye jeha enyɔɔnyɔ a nɔ. Herode kale kɛ je be nɛ ní leli ɔmɛ tsɔɔ kaa dodoe ɔ je ɔ, nɛ e kɛ tsu nɔ́ nɛ ɔ.

Hosea 7:3

Yawɛ ke, “Nihi toɔ ga yayahi nɛ a kɛ sisiɔ matsɛ ɔ kɛ e nimeli ɔmɛ.

Abɛ Womi 13:5

Nɔ nɛ peeɔ nɔ́ nɛ da a, e sume lakpa. Se nɔmlɔ yayami lɛɛ hɛ mi si puemi níhi e peeɔ kɛ bɔɔ lɛ nitsɛ e he ahlua.

La 119:163

I sume lakpa kulaa, i hiee lɛ; se o mlaa lɛɛ i suɔ.

La 51:6

O suɔ nɛ ma ye mo anɔkuale kɛ pi si; lɔ ɔ he ɔ, ngɔɔ o nile kɛ wo ye mi tɔ.

Yesaya 30:13

Lɔ ɔ he ɔ, nyɛ yeɔ fɔ. Nyɛ ngɛ kaa gbogbo gojoo ko nɛ e mi gba kɛ je e yi mi kɛ ba ma si, nɛ kpa kasa, nɛ miɔ nɛ e ku kɛ pue si; tlukaa ngɛ hɛngmɛfia mi ɔ, e maa ku kɛ pue si bum!