La 62:2 - BAIBLO ALOO NGMAMI KLƆUKLƆU Ɔ

² Lɛ pɛ ji ye wesa he, ye yi wami helɔ, kɛ ye he bulɔ, nɛ nɔ ko nɔ ko be mi nyɛe.

La 62:2 ပူးပေါင်းရင်းမြစ်များ

La 18:2

Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

La 62:6

Lɛ pɛ ji ye wesa he, ye yi wami helɔ, kɛ ye he bulɔ, nɛ nɔ ko nɔ ko be mi nyɛe.

Yesaya 26:4

Nyɛɛ ngɔ nyɛ hɛ ngɔ fɔ Yawɛ nɔ daa; ejakaa Yawɛ Mawu ɔ ngɛ kaa tɛ sa ko nɛ ngɛ daa.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

La 89:26

E ma tsɛ mi ke, ‘Tsaatsɛ, ye Mawu, ye he bulɔ, kɛ ye yi wami helɔ.’

La 59:17

Mawu, mo o nɔ ma ngɔ ye hɛ kɛ fɔ, ejakaa mo Mawu ji ye wesa he. Ma la kɛ je o yi, ejakaa mo, Mawu lɛ o naa mi mɔbɔ daa.

La 59:9

Ma la kɛ je o yi, mo ji ye he wami; mo Mawu ji ye wesa he.

La 37:24

Ke o nɔ si tete po, o be zugba tlɔe; ejakaa Yawɛ ma wo o nɔ ekohu.

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

1 Korintobi 10:13

Kahi nɛ baa nyɛ nɔ ɔ, ekoeko be nɛ bɛ adesa nɔ hyɛ. Se Mawu yeɔ e siwo nɔ, nɛ e be hae nɛ a ka nyɛ pe bɔ nɛ nyɛ ma nyɛ. Ke ka ba nyɛ nɔ ɔ, Mawu ma ha nyɛ he wami nɛ nyɛ kɛ da nya, konɛ nyɛɛ je mi.

La 21:1

Yawɛ, matsɛ ɔ bua jɔ e he, ejakaa o ha lɛ he wami. Matsɛ ɔ ngɛ nyae, ejakaa o ha nɛ e ye kunimi.

La 37:39

Yawɛ heɔ dali a yi wami; e buɔ a he ngɛ amanehlu be mi.

Kɔmɔ Yemi 3:26

Lɔ ɔ he ɔ, e sa kaa waa to wa tsui si kɛ hyɛ Yawɛ blɔ, konɛ e he wa yi wami.