La 61:7 - BAIBLO ALOO NGMAMI KLƆUKLƆU Ɔ

⁷ Ha nɛ e ye tsɛ ngɛ mo Mawu ɔ o hɛ mi daa. Ngɔɔ o suɔmi nɛ be nyagbe ɔ, kɛ o we anɔkuale ɔ kɛ bu e he daa.

La 61:7 ပူးပေါင်းရင်းမြစ်များ

La 40:11

Yawɛ, naa mi mɔbɔ daa; o kɛ o suɔmi ɔ, kɛ o we anɔkuale ɔ nɛ bu ye he.

Mose I, 24:27

E de ke, “A je Yawɛ, ye nyɔmtsɛ Abraham Mawu ɔ yi, kaa e na ye nyɔmtsɛ ɔ mɔbɔ, nɛ e ye si nɛ e wo lɛ ɔ nɔ. Yawɛ kpaka mi tɛɛ kɛ ba ye nyɔmtsɛ ɔ weku li a ngɔ.”

La 57:3

E maa tsɔ kɛ je hiɔwe kɛ ba he ye yi wami; nɛ nihi nɛ ngɛ mi yi mi wae ɔ, zo maa gbe mɛ. Mawu, o maa tsɔɔ mi kaa o mɔbɔ nami ngɛ daa kɛ ha mi, nɛ o yeɔ anɔkuale daa jã kɛ̃.

La 41:12

O maa piɛ ye he, ejakaa i peeɔ nɔ́ nɛ da. O kɛ mi maa hi si daa.

Hebribi 9:24

Ejakaa Kristo ɔ, pi he klɔuklɔu pe kulaa nɛ a kɛ nine pee, nɛ ji nɔ́ nitsɛ ɔ henɔ kɛkɛ ɔ mi nɛ e ya. Mohu ɔ, hiɔwe nitsɛnitsɛ nɛ e ho; nɛ amlɔ nɛ ɔ, e ngɛ lejɛ ɔ ngɛ Mawu hɛ mi ngɛ wa he.

Luka 1:33

E maa ye matsɛ ngɛ Israel ma a nɔ kɛ maa ya neneene; e matsɛ yemi ɔ se be poe gblegbleegble!”

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

Abɛ Womi 20:28

Matsɛ nɛ naa mɔbɔ, nɛ e yeɔ anɔkuale ɔ, e naa tue mi jɔmi, nɛ e tsɛ yemi ɔ hu yaa nɔ saminya.

La 43:3

Ha nɛ o la a, kɛ o we anɔkuale ɔ nɛ ba esɔesɔ; ha nɛ a ba tsɔɔ mi blɔ, nɛ a kpaka mi kɛ ya Zion yo klɔuklɔu ɔ nɔ; a kpaka mi kɛ ya mo nitsɛ o we ɔ he nɛ o hii ɔ.

Mose I, 32:10

Mɔbɔ nami nɛ se pui gblegbleegble nɛ o je kpo ngɔ ha mi ɔ, i sɛ. Benɛ ma po Yordan pa a, dɛma tso pɛ i hɛɛ ngɛ ye dɛ mi; se piɔ lɛɛ i kpale ba kɛ asafo kuu enyɔ nɛ ɔmɛ.

Samuel II, 7:26

O biɛ maa jije kɛ maa ya neneene, nɛ nihi ma de ke, Yawɛ Tabohiatsɛ ɔ ji Israel Mawu. Nɛ o ma ha imi, o tsɔlɔ David, ye matsɛ yemi ɔ maa hi si kɛ maa ya neneene.

La 21:5

O piɛ e he, nɛ e hɛ mi ba nyami; o ha nɛ e ná biɛ, kɛ agboje.